Letra e lamtumirës

nga Vizitor Fri May 29, 2009 1:37 pm

S'jam fshatare", hidhet nga pallati
I dashuri e ofendonte: Të kam vetëm për seks

--------------------------------------------------------------------------------

Fatmir Popja
Aida Harka

GRAMSH

I dashuri e persekutonte duke i përmendur origjinën e saj nga fshati, ndërsa 20-vjeçarja vendos të vetëflijohet. Nuk mund t'i duronte dot fjalët e tij, teksa i thoshte se ishte qenie e destinuar për seks. Një 20-vjeçare është hedhur nga ballkoni i katit të katërt dhe aktualisht ndodhet në gjendje koma në spitalin e qytetit të Gramshit. Silvana Vlashi nga një fshat i këtij qyteti ka vendosur t'i japë fund jetës duke u hedhur nga ballkoni, pasi i dashuri i saj e fyente. 20-vjeçarja Vlashi ka vendosur që të vetëflijohet, pasi nuk mund të duronte dot që i dashuri i saj i thoshte gjithnjë "fshatare" dhe i përmendte origjinën e saj. Nën trysninë e fjalëve të të dashurit, i cili ishte po nga qyteti i Gramshit, Silvana vendos që të lërë një letër dhe më pas t'i "falë" jetës një fund tragjik.

Ngjarja
Ngjarja e dhimbshme ka ndodhur paraditen e dy ditëve më parë kur 20-vjeçarja Vlashi ndodhej në shtëpinë e xhaxhait të saj, Bujarit. Ajo është hedhur në orën 9 të mëngjesit, ndërsa apartamenti i xhaxhait të saj ndodhej në lagjen "Sporti" të këtij qyteti. 20-vjeçarja me origjinë nga Skrapari dhe banuese në fshatin Nartë të komunës Skënderbegas, prej disa kohësh rrinte në shtëpinë e xhaxhait të saj, brenda në qytetin e Gramshit. Prej disa javësh ajo kishte ardhur në qytet pasi ndiqte një kurs parukerie, kohë në të cilën ishte njohur edhe me të dashurin e saj. Paraditen e dy ditëve më parë ajo kishte ardhur në Gramsh së bashku me dy prindërit e saj, të cilët kishin dalë për të bërë disa pazare, ndërsa Silvana shkon drejt e në shtëpinë e xhaxhait. Në atë moment në shtëpi ndodhej vetëm kushërira e saj. Disa minuta më pas ajo i ka thënë vajzës së xhaxhait se mbi tavolinë kishte vendosur një letër të cilën ajo duhet t'ua jepte në dorë prindërve të saj, të cilët do të kishin edhe të drejtën që ta lexonin. Ndërsa kushërira e ka garantuar se do t'ia çonte deri në fund porosinë që i kishte lënë. Kur pa kaluar as dy minuta ajo e shikon 20-vjeçaren të fluturonte nga ballkoni i katit të katërt.

Lidhja
Që nga koha që kishte ardhur në Gramsh për të vazhduar kursin e parukieres, 20-vjeçarja ishte njohur me një të ri nga qyteti. Në letrën e lamtumirës që ajo kishte lënë, shkruante për lidhjen e saj me një djalë pak më të madh se veten me të cilin grindej shpesh. Sipas letrës, mësohet se ai e përbuzte, e poshtëronte duke e quajtur një krijesë të destinuar për seks dhe asgjë tjetër. Madje ai shpesh herë i kujtonte edhe origjinën e saj nga fshati, gjë që e kishte prekur thellë vajzën. Në këto kushte ajo vendos që t'i japë fund jetës dhe për të mos duruar të gjitha ofendimet dhe fyerjet e tij.

Letra e lamtumirës

Historia ime e dashurisë më shtyn që t'i jap fund jetës, për shkak të mashtrimit dhe zhgënjimit. Në një dashuri të sinqertë nuk ka vend për poshtërime. Kush nuk e beson të vërtetën, është një gënjeshtar dhe nuk ia vlen ta mbash kurrë pranë. Nuk është fatkeqësi të jesh nga fshati, por është fatkeq ai që jeton dhe sillet si fshatar në qytet. Duke qenë se nuk e duroj dot jetën nën tutelë dhe midis mashtruesish, më mirë po vdes ...

Prej dy ditësh në gjendje të rëndë

Mjekët nuk japin garanci për jetën
Sapo kushërira e 20-vjeçares ka dhënë alarmin, në vendin e ngjarjes ka mbërritur edhe një ambulancë, e cila e ka dërguar me urgjencë në spitalin e qytetit. Mjekët pohojnë se gjendja e saj është e rëndë dhe se është ende herët të përcaktohet për orët në vazhdim. Bluzat e bardha kanë pohuar gjithashtu se 20-vjeçarja Silvana Vlashi ka dy ditë që ndodhet në gjendje koma dhe ka thyerje në pjesë të ndryshme të gjymtyrëve. Por, sipas tyre, dëmtimet më të mëdha ajo i ka pësuar në pjesën e kokës, gjë që i ka shkaktuar gjendjen e komës. Sipas tyre, në momentin që ajo do të dalë nga gjendja e komës, do t'i nënshtrohet edhe një operacioni, pas të cilit do të thuhet nëse ajo është jashtë rrezikut për jetën.
----------------------------------------------------------------------------------
Cfare mendoni ju per kete ngjarje?Aka vepruar drejt vajza qe i ka dash ti japi fund jetes?Si do te vepronit ju ne qofte se do te ishit ne te tille situate?A do ta quanit ju nje dashuri te vertet mes ketyre te dyve apo vetem nje zhgenjim?

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Letra e lamtumirës

Letra e lamtumirës

MENU

SHTYPI I DITES

REVISTA

FAQET PARTNER