Albi Kondi: Kam lindur e do vdes shqiptar, dua fanellën kuqezi!

nga **MONDI** Fri Mar 20, 2009 1:17 pm

Quhet Albi Kondi, ka lindur në Poliçan më 4 janar 1989. Lojtari në fjalë, ndryshe nga disa të tjerë me kombësi shqiptare, të cilët kanë mohuar origjinën e tyre, ose kanë zgjedhur të aktivizohen me kombëtare të tjera si Zvicra (rasti Berhami), Greqia (rasti Nini) dhe të tjerë, kërkon të aktivizohet për ngjyrat kuqezi. Gjatë kohës që trajneri Otto Bariç ka qenë trajner i kombëtares sonë, ka ngulmuar që Kondi t’i bashkohej përfaqësuesrs shqiptare. Trajneri Shpëtim Duro, asokohe ndihmës i Bariçit, ka udhëtuar në Greqi dhe është takuar me lojtarin, duke ia bërë të qarta synimet e trajnerit kroat. Refuzimi, sipas Kondit, është bërë për disa arsye. Ndërshmëria dhe pastërtia e lojtarit që aktualisht aktivizohet në radhët e skuadrës së Apollonit të Kallamariasë, në kategorinë e parë greke, sqaron gjithçka lidhur me refuzimin e ardhjes në Shqipëri. Sipas Albit, por edhe personave pranë tij, jeta në një shtet të huaj dhe problemet e ndryshme mund t’i lehtësonte duke marrë nënshtetësinë greke. Kondi është aktivizuar në 2 ndeshje miqësore me skuadrën U-19 të Greqisë, por jo në ndeshje zyrtare.

- Albi, na shpjegoni pak çështjen tuaj me kombëtaren e Shqipërisë…?

- Bariçi donte që të vija kur isha i dëmtuar. Trajneri Shpëtim Duro ka pasur një takim me mua dhe më ka shpjeguar gjithçka. Por nuk dua të mohoj asgjë dhe dua të tregohem shumë i pastër. Kisha një problem të madh, atë të marrjes së nënshtetësisë greke dhe, nëse do të bëhesha menjëherë pjesë e saj, do të “hidhesha” në tokë këtu, sepse shumë lojtarë të tjerë, që nuk janë shtetas grekë, shihen me një sy tjetër. Unë doja të merrja pasaportë greke dhe jo të luaja me Greqinë. Këtu ka edhe një ligj sportiv, që ndalon aktivizimin e disa lojtarëve të huaj. Duke marrë pasaportë greke, do të isha shumë i favorizuaur. Shumë specialistë të futbollit këtu dhe miq të mi më rekomanduan të mos bëhesha asokohe pjesë e Shqipërisë pa marrë pasaportën greke, e cila do të ndihmonte shumë jo vetëm në karrierën sportive, por edhe në familjen time.

- Flitet se jeni akvizuar në kombëtaren e moshave në Greqi dhe për këtë arsye s’mund të jeni pjesë e kombëtares shqiptare. Si qëndron e vërteta në këtë mes?

- Unë jam shqiptar dhe dua të luaj për vendin tim. Mund të kontrolloni të gjitha mediat greke, ose t’i kontaktoni ato, dhe në asnjë moment unë s’kam mohuar gjakun tim. Kam lindur shqiptar dhe do të vdes i tillë.

- A keni luajtur me ndonjë skuadër të moshave të Greqisë?

- Kam luajtur 2 ndeshje miqësore me kombëtaren U-19 të Greqisë ndaj Sllovenisë, por ka ndodhur para se të merrja pasaportën greke. Tani që i kam të dyja në dorë, e kam bërë zgjedhjen time. E përsëris sërish, dua të luaj për Shqipërinë. Gjithashtu, kjo ndeshje nuk mund të quhet zyrtare dhe unë të mos kem të drejtën të vesh fanellën e Shqipërisë. Ka shumë raste që tifozët apo drejtues të institucioneve në Shqipëri i quajnë tradhtarë lojtarët që zgjedhin një kombëtare tjetër, për më tepër atë greke, por unë që po zgjedh Shqipërinë vallë a do të më dëgjojë kush? Nuk po tregohem hipokrit, sepse dhe në këto momente kombëtaret e moshave në Greqi më kërkojnë, por i kam refuzuar. Për sa i takon talentit tim, atë le ta verifikojë fusha e blertë.

- Keni kontaktuar me autoritetet dhe funksionarë të futbollit shqiptar?

- Kam folur para disa muajsh dhe i pyeta nëse mund të luaja për Shqipërinë dhe ata më thanë që do të më telefononin këtë muaj. Më 20 mars pres një telefonatë.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Albi Kondi: Kam lindur e do vdes shqiptar, dua fanellën kuqezi!

Albi Kondi: Kam lindur e do vdes shqiptar, dua fanellën kuqezi!

MENU

SHTYPI I DITES

REVISTA

FAQET PARTNER