PDSH: Nikola Gruevski është neofashistë

Orhan Ibrahimi

Deputeti i Partisë Demokratike Shqiptare (PDSH), Orhan Ibrahimi e ka quajtur neofashist kryeministrin e Maqedonisë, Nikola Gruevski.
Reagimi i deputetit të PDSH-së ka ardhur pas deklaratave nacionaliste të Gruevskit se nuk lejon frikësimin dhe nënçmin e dinjitetit kombëtar maqedonas, dhe se shqiptarët duhet të ndryshojnë duke hequr dorë nga kërkesat kombëtare.

“Për katër vite me radhë ne po shohim performancën e një kryeministri që po shfaqet si një neofashist. Ne e pamë atw dy ditë rresht se si i trajton ai shqiptarët, përmes ligjeve fyese, përjashtuese dhe diskriminuese”, ka akuzuar deputeti Ibrahimi, duke shtuar se kjo sjellje ka kthyer vendin në vitin 2001.

Sipas tij, është ky kryeministër që po tolerohet nga partia shqiptare në pushtet, Bashkimi Demokratik pwr Integerim , i cili në mënyrë të vazhdueshme po tregon sipas tij se ku e kanë vendin shqiptarët.

Por BDI nuk i sheh aspak shqetësuese për t’i komentuar kërcënimet e kryeministrit Gruevski. Sipas partisë së Ali Ahmetit, Gruevski ka folur në pozitën e kreut të partisë, në një forum të brendshëm partiak, dhe për këtë arsye nuk ka çfarë të komentohet. /Telegrafi/