Shpella e Gadimes po shkatërrohet

Shpella e Gadimes po shkatërrohet. Mbi të është ndërtuar një rezervuar për ujësjellës. Betoni i hedhur ka bllokuar rrugët e ujit që i ushqen kristalet e shpellës. Për pasojë disa aragonite dhe stalaktite janë tharë e po myken. Komuna e Lipjanit duket se ka gisht në këtë krim.
Romeo e Zhulijeta duket se kurrë nuk do të bashkohen. Madje jo që nuk do të bashkohen, por edhe kanë nisur e po thahen. E bashkë me ta pikat e ujit që dukeshin sikur loti në një Odë të madhe kanë ndaluar, shkruan “Express”.

Për t'i rënë shkurt. Shpella e Gadimes po shkatërrohet. Këtë nuk po e bën natyra, por njerëzit.
Komuna e Lipjanit ka lejuar që mbi këtë shpellë të ndërtohet një rezervuar uji.

Betonizimi i rezervuarit lart dhe dheu që është grumbulluar përreth tij ka bllokuar hyrjen e ujit që binte pikë- pikë në shpellë.

Kjo gjendje e krijuar ka dy muaj që ka nisur të dëmtojë keq kristalet e shpellës.

Mungesa e këtij uji ka filluar të shkaktojë mykun tek aragonitet, që tashmë nga ngjyra e bardhë kanë filluar e po nxihen.

Ai që po mërzitet më së shumti tek po e sheh shpellën që po dëmtohet është Nazif Tasholli, drejtori i saj. /Telegrafi/


E solla kete teme per te diskutuar.
Nje vendim i faktoreve komunal, eshte rrezikuar nje pasuri shteterore, nje raritet (shume te rralla ne bote jane shpellat e mermerta sikur kjo ne Gadime te Lypjanit).

A mendoni se para se te sillen vendimet e tilla qe damtojne pasurine tone te merret mendimi i ekpsrteve dhe perlqimi i popullit?