HIV/AIDS, 65 raste të reja në Shqipëri për 2011-ën

TIRANE- Dhjetëmujori i këtij
viti ka diagnostikimin më të madh të personave me HIV/AIDS ndër vite.
Sipas të dhënave zyrtare të Institutit të Shëndetit Publik, numri i
personave që kanë rezultuar me HIV pozitiv për vitin 2011 është 65
persona, ku midis tyre tre janë fëmijë, ndërsa numri total i fëmijëve të
infektuar shkon në 24.

Koordinatori kombëtar për projektin e
HIV/AIDS në vendin tonë Roland Bani gjatë një interviste dhënë për
"Gazetën Shqiptare" ka sqaruar se nga këta 65 persona, 48 janë meshkuj
ndërsa 17 femra, duke e çuar numrin total të të infektuarve me HIV/AIDS
në 478 të infektuar. Sipas Specialistit të ISHP-së Bani mendohet se
numri në total i të infektuarve në vendin tonë mund të jetë mbi një mijë
persona. Nga të dhënat e këtij institucioni ndjekin terapi e
antroretroviral 161 persona, ku midis tyre 14 janë fëmijë.

Edhe
gjatë rasteve të diagnostikuar për këtë vit kanë rezultuar pozitiv ndaj
këtij virusi tre fëmijë, nën 15 vjeç, të cilët e kishin marrë sëmundjen
nga nëna. Për këtë arsye specialisti Roland Bani bënë apel që çdo grua
shtatzënë duhet të kryej testin për HIV/AIDS pasi nëse merren masat e
duhura në kohë, fëmija lind i shëndosh.

Gjithashtu, ai apelon
për bërjen e testimit nga ana e çdo personi që mendon se ka kryer
marrëdhënie seksuale jo të sigurt, duke pasur parasysh që 92% e rasteve
në vendin tonë janë infektuar nga rrugë seksuale.
(Lajmin e plotë mund ta lexoni në numrin e sotëm të Gazeta Shqiptare)