Pogradec, ekzekutoi të dashurën, gjykata i shkurton afatin e gjykimit

POGRADEC- Gjykata
e Pogradecit ka pranuar sot gjykimin e shkurtuar për 60-vjecarin Halim
Hykollari, i cili ekzekutoi me mjete të forta 5 muaj më parë, të
dashurën e tij 35-vjecare Mirela Spahiu.

Në seancën e sotme,
60-vjecari ka shfaqur shenjat e një tronditje të thellë dhe ka shprehur
pendesë për krimin, ndërsa ka kërkuar mëshire nga gjykata.

Prokuroria
edhe njëherë ka hedhur poshtë kërkesën e mbrojtjes, duke argumentuar
krimin si “vrasje me paramendim”. Ndërkaq gjykata ka pranuar kërkesën e
mbrojtjes për gjykim të shkurtuar, që do të thotë se 60 -vjecari do të
përfitojë ulje të 1/3-s së masës së denimit në përfundim të procesit
gjyqësor.

Ngjarja shokuese ndodhi në një hotel në periferi të
Pogradecit në fund të muajit qershor, kur 60-vjecari Hykollari masakroi
nënën e 2 fëmijve për motive xhelozie.