Vranë shqiptarin për racizëm, arrestohen dy shtetas grekë

nga **Tironcja_omel** Sat Apr 30, 2011 9:03 pm

ATHINE – Lajmifundit – Policia greke tha se ka vënë në pranga dy persona që akuzohen se

kanë vrarë një të ri nga Shqipëria. Sipas mediave greke, të arrestuarit janë një 22-vjeçar dhe një tjetër bashkëpunëtor i tij, 28-vjeç.
Ata akuzohen se në bashkëpunim edhe me dy shtetas të tjerë kanë vrarë me thika, një të ri shqiptar. Ngjarja ndodhi më 30 mars, në rrugën “Miauli” të zonës Psiri, pranë qendrës së famshme antike në Akropol.
Shtetasi shqiptar u qëllua me sende të forta karrige e thika dhe u la në rrugë duke dhënë shpirt. Sipas policisë, katër grekët i morën jetën 21-vjeçarit shqiptar, pasi ai në gjendje të dehur kishte ngacmuar pesë femra, të gjitha greke, në ambientet e lokalit.
Katër grekët, kanë kryer aktin kriminal edhe pse nuk kishin asnjë lidhje me vajzat dhe as me 21-vjeçarin dhe shokun që e shoqëronte. Policia greke da deklaruar se po hetohet për një krim racist dhe se është në kërkim edhe të dy autorëve të tjerë të masakrës.