Ekzekutohen me armë babai me dy djemtë, autori i paidentifikuar

Tronditet përsëri qyteti i Elbasanit. Një ngjarje tragjike ka ndodhur sot në orët e para të mëngjesit rreth orës 6:00. Ku kanë mbetur të vrarë tre persona të familjes, viktimat janë Emin Mahmuti 60-vjeç, Xhelal dhe Pëllumb Mahmuti. Ngjarja ka ndodhur pranë shkollës "Jorgji Dilo" ku ka qënë edhe banesa e familjes Mahmuti.

Nga të dhënat mësohet të ketë mbetur e plagosur edhe nusja e shtëpisë Myzejen Qosja 43-vjeç , e cila ndodhet në gjendje të rëndë për jetën në spitalin ushtarak të Tiranës.

Nga hetimet e para të bëra nga policia, mësohet të ketë qënë si shkak hakmarrja e autorit kundrejt djalit të familjes Zenel Mahmuti i cili para shumë vitesh ka kryer një vrasje, në gjendjen civilie të Elbasanit Zenel Mahmuti figuron edhe si (Andon Mahmuti)Aktualisht djali i tretë i familjes Mahmuti ndodhet jashtë vendit por nuk dihet se ku.

Autori i ngjarjes ka shkuar në shtëpine e viktimave ku ka qëlluar me armë zjarri, për vdekje tre familjarët , më pas ai ka qëlluar edhe nusen e familjes e cila ka mbetur e plagosur me një plumb në kokë.
Mësohet se ka qënë një ekzekutim i mirë organizuar sepse dyshohet të jenë qëlluar me armë me silenciator. Nga burimet e policisë bëhet e ditur se njerit prej djemve të familjes Zenel Mahmuti i është bërë një atentat ku e kanë qëlluar me armë, ai ka mundur të mbijetojë.

Policia nodhet në vendin e ngjarjes për të zbardhur rrethanat e kësaj tragjedie. Nga të dhënta e fundit mësojmë se policia ka vendosur një shumë pre 50 mjë dollarrësh për të zbulluar autorin e këtij krimi.