Cigaret dhe ushqimi i shpejtë i shtojnë vitet

Se mosha është koncept relativ, më në fund është vërtetuar edhe shkencërisht. Jeta e ngarkuar, alkooli dhe cigaret, në botë kanë shkaktuar epideminë e plakjes, sidomos në mesin e femrave të reja, ku për këtë arsye dukja e tyre nuk përshtatet me moshën.

Shkaku i plakjes së hershme, shumë femra moderne mesatarisht duken katër vjet më të moshuara, në krahasim me moshën e tyre.

Sipas hulumtimeve, në të cilat kishin marrë pjesë më shumë se 8 000 femra, për dukje më të moshuara, më të merituarat janë cigaret, konsumimi i alkoolit, ushqimi jo i shëndetshëm, solariumi dhe moskujdesi për lëkurën. Disa nga zbulimet interesante të femrave moderne janë se njëra nga pesë të anketuarat nuk përdor kremra për lëkurë, një e katërta prej tyre dy deri tri herë në javë konsumon ushqim të shpejtë, ndërsa, mesatarisht, secila nga të anketuarat konsumon në vit 894 cigare. E vërteta gjatë këtij hulumtime del se mesatarisht 10 minuta në ditë, përkatësisht dy ditë e gjysmë në vit brengosemi për plakjen.