Sukseset dhe dështimet muzikore në 2010-n

nga **Tironcja_omel** Wed Jan 05, 2011 6:47 pm

sukses

Lejdi Gaga

Kundër një numri të konsiderueshëm të princeshave, shtrigave dhe vizatimeve të modës multimediale, askush këtë vit nuk ka mundur ta mundë artisten e njohur dikur, si Stefani Xhoen Gjermanota. Tejlor Suifti mund të ketë më shumë albume, Kesha mund t’ia ketë kaluar me shkarkim të singlit dhe Kejti Peri mund t’ia ketë kaluar me këpucë, por për shikim absolut askush nuk ia ka kaluar kësaj dive digjitale.

sukses

Kanie Uest

I talentuari, i torturuari, dijetari i stuhishëm i hip-hopit, Kanie Uest, është ngjitur nga rënia e vitit të kaluar për shkak të konfrontimit me Tejlor Suiftin, me albumin e tij të suksesshëm, “My Beautiful Dark Twisted Fantasy”. Suksesi i tij mund të shihet edhe me numrin e mysafirëve të tij në koncerte - Rihana, Niki Minaj, Elton Xhoni dhe Bon Ajveri.

sukses

Tejlor Suift

Princesha e muzikës kauntri ka vazhduar të korrë suksese, pas dy albumeve të para, me albumin e saj të radhës “Speak Now”. Që nga viti 2008, me numrin më të madh të shitjes së albumeve, Tejlor është në rrugë të duhur për t’u bërë artistja, e cila ka shitur më së shumti albume.

sukses

“Cee-Lo Green”

Dikur reperi dhe frontmeni i “Gnarls barkley” e çoi stilin e tij të muzikës soul në një kulm me këngën “Forget You”. Versioni jo i censuruar është bërë menjëherë sukses numër një “YouTube”, me tre milionë shikues brenda një jave. Ndërkohë Guinet Paltrou korri sukses me interpretimin e kësaj kënge në serinë “Glee”, duke konfirmuar se kjo këngë nuk ka qenë sukses i rastësishëm.

sukses

Rihana

Sirena e muzikës hip-hop nga Brabadosi është pjekur shpejt dhe në mënyrë provokuese në skenë. Problemi i saj me ish-të dashurin Kris Braun ndoshta e ka tronditur pak këngëtaren e brishtë, por Rihana u ringjall edhe më e fortë për t’u konfrontuar me atë ankth me albumin e vitit të kaluar, “Rated R”. Këngëtarja sapo e ka nxjerrë në shitje albumin e saj të radhës, të titulluar “Loud”, gjë që dëshmon edhe më shumë se Rihana është e gatshme të shkojë në largësi.

sukses

Kith Riçards

Madje edhe adhuruesit e kanë kuptuar se “Rolling Stones” ndoshta pak ka humbur nga titulli i bendit më të mirë rokënrol, por Kith Riçardsi ka dëshmuar me autobiografinë e tij “Life”, duke u pozicionuar në vendin e parë për librin më të shitur në listën e “New York Times”.

sukses

“Arcade Fire”

Uin ratler dhe rezhine Shasanje - ekipi bashkëshortor që e përbën bendin “Arcade fire”, ende ka ëndrra të mëdha dhe refuzon të bisedojë me ndonjë kompani komerciale. Albumi i tyre i tretë “The Suburbs”, i nxjerrë në shitje nga studio “Indi”, debutoi në numrin 1, duke u përcjellë me një turne, i cili e gjallëroi ndjenjën e festimit, që e kishte humbur në cinizmin e hipikëve.

sukses

Hits9

Miranda Lambert

Këngëtarja nga Teksasi u bë e njohur si garuese në “nashville Star”, ku ajo impresionoi me një energji të madhe me stilin e saj interesant të kauntrit modern. Tani e adhuruar nga të gjithë, prej fansave deri te kritikët e muzikës, Miranda i ka merituar fitoret e saj të mëdha në “Country Music Awards”

Hits10

sukses

Kejti Peri

Duke u mbështetur më shumë në filma të vizatuar se sa në aftësi të shkrimit të këngëve, ne mendojmë se albumi i Kejti Perit, me titull “Teenage Dream”, edhe pse mjaft i suksesshëm, do të zgjasë më shumë si një poster në muret e dhomave të djemve tinejxherë se sa si shtyllë drejtuese për në pop-muzikën e shekullit XXI.

sukses

Xhastin Bibër

Idhulli i tinejxherëve, Xhastin Bibër, ka arritur lartë në shkallët e muzikës pop, duke u dhënë këngëve të njëjta efekte të shumëfishta, si për shembull me efektin e tretë dhënë opusit “My World”, me versionin e ri “unplugged” “My World Acoustic”, i cili sapo ka dalë në shitje. Siç kanë thënë për Sinatrën, tani është bota e Xhastinit; ne vetëm jetojmë në të.

dështim

Hajdi Montag

Ana e errët e këtij ylli televiziv mbetet kapaciteti i saj për të krijuar mashtrim: objektet e syrit të patrembur turbullojnë shikimin me talent aktual. Është një gjë të fitosh të holla me një emision nga jeta reale, ose të paguhesh nga një emision tjetër vetëm për paraqitje në të, e është tjetër gjë të fillosh karrierë muzikore, duke investuar 2 milionë dollarë, e të shesësh vetëm 658 kopje javën e parë të nxjerrjes në shitje.

dështim

Kristina Agilera

E bekuar me një zë, i cili si duket ua kalon rregullave të fizikës, duke dalë nga korniza e saj e vogël, Kristina Agilera e kishte filluar vitin 2010 me shpresa të suksesit vetëm për ta përjetuar një vit të tmerrshëm. Albumi i shumëpritur “Bionic” ishte një dështim në treg, përzierja e muzikës tekno ishte pritur si një befasi dhe ishte parë si një imitim i muzikës së Gejdi Gagas. Më pas, iu desh t’i anulojë koncertet, e më pas u nda nga bashkëshorti i saj, Xhordan Bretmeni.

dështim

Majli Sajrus

Pas suksesit në TV dhe në muzikë, Majli Sajrusi erdhi në përfundim se asaj nuk i duhet më Hana Montana. Është një gjë për një yll adoleshent, që t’i lërë anash gjërat e fëmijërisë dhe të aspirojë për tema më të pjekura, por këtë vit ndryshimi i Majlit e ka ofruar një transformim të vrazhdë dhe shqetësues. Si duket, ajo i ka ndjekur hapat e Britni Spirsit.

dështim

Rod Stjuart

Falë magnatit veteran të muzikës Klajv Dejvisit, karriera e Rod Stjuartit ishte ringjallur me zhvendosjen e tij në periudhën e para rokut, e cila i solli atij sukses të madh. Por, duhet fajësuar vetë Rod Stjuartin, i cili bëri kthesë të madhe, meqë pa dyshim ka bërë mrekulli në fondin e tij të pensionit, duke e falimentuar autoritetin e tij të një rokeri origjinal.

dështim

“Real Housewives”

Seria nga jeta reale e shtëpiakeve, e cila i monitoron zënkat e tyre, gafat prindërore dhe materializmin gjithashtu, ka rrezikuar me vendimin e shtëpiakeve për t’i treguar talentet e tyre muzikore. Me interpretimet e tyre, ato i kanë shtyrë të gjithë të vrapojnë dhe t’i kërkojnë radiot e tyre të preferuara.

dështim

Çfarë ka ndodhur me yllin e rokut, e cila dikur kishte bërë që fansat ta marrin atë seriozisht? Me përpjekjen e saj më të fundit me albumin “Nobody’s Daughter”, si dhe me interpretimet “live”, ajo ka dështuar tërësisht. Si duket, i ka zhgënjyer edhe ata fansa, të cilët deri tani kanë besuar në të.

dështim

“American Idol”

Këtij transplantimi britanik iu desh vetëm një sezon për të dëshmuar se strategjia e lënies së shikuesve të televizionit t’i gjejnë yjet, në fakt do të mund të funksiononte. “American Idol” u bë një makinë fitimprurëse, e cila i ka përcjellë karrierat e artistëve në çdo hap, prej incizimeve deri te publikimi dhe shitja. Por, më vonë, shikueshmëria shënoi rënie zhgënjyese, sikur që bëri edhe shitja e albumeve.

dështim

Një prej dështimeve më zhgënjyese është kthimi i Sarës me vizionin e saj për muzikë, i cili u dëshmua problematik që nga fillimi. Albumi i parë i Sarës, pas shtatë vjetësh, me material të ri “Laws of Illusion”, u përball me kritika pozitive, por me shitje të dobët, dhe për këtë shkak edhe me anulimin e koncerteve të saj.

dështim

“Jonas Brothers”

Media, cikli i shpejtësisë së lartë të periudhës digjitale, më shumë se kurrë i ka shtypur karrierat muzikore. Shembull e kemi edhe ngritjen dhe rënien e “Jonas Brothers”. Prej famës së madhe, treshja ra në koncerte për publik adoleshent. Koncertet verore i kishin anuluar, të cilat u përcollën me anulimin e serisë për “Disney”-n, me titull “Jonas L.A.”.

dështim

Majkëll Xhekson

Kur përpjekja e fundit e Majkëll Xheksonit për ta rikthyer titullin e mbretit të muzikës pop u ndërpre më 25 qershor të vitit 2009, të gjitha gjërat u harruan. Dekada e fundit problematike u harrua, këngët e tij u kthyen në top-lista, u xhirua një film për të, dhe legjenda e nxirë u freskua edhe një herë me një lustrim. Por, familja dhe studiot muzikore filluan t’i mbledhin fitimet. Ky duket të jetë një sukses i dështuar i shfrytëzuesve

nga Mona Wed Jan 05, 2011 7:48 pm

Interesante këto suskeset e dështimet
, po provove suksesin dështimi duket më i fort

nga **Gjumashja** Wed Jan 05, 2011 7:53 pm

Mua per vete me pelqen lady gaga eshte e vertete qe eshte diva e muzikes,dhe me pelqen shume emri i saj i vertete,por jam kurioze te di emrin e vertete te rihanes se ia kam pas degjuar njehere por e harrova.