Historia e vërtetë e gjigandit te muzikes

nga bigbeng Fri Nov 12, 2010 1:34 pm

Historia e vërtetë e gjigandit te muzikes

Michael Jachkson

“Të vetmit që më duan vërtet janë fansat. Për sa i përket të tjerëve, rreth vetes shoh vetëm boshllëk të madh”. Uri Geller, një prej të paktëve që ka pasur akses në jetën e mbretit të popit, larg telekamerave, e ridëgjon çdo ditë jehonën e këtyre fjalëve.

Të shqiptuara nën zë një pasdite të vitit 2001 mes mureve të shtëpisë së tij angleze. “Në këmbë, para kolltukut ku ishte zhytur i tëri, i bërë pyetjen e ankthshme: Michael, çfarë nuk shkon? Ai mbajti frymën e u përgjigj. Pastaj ra heshtja”.

Një vit më vonë, doza vdekjeprurëse e qetësuesve dhe pilulave të gjumit që ka shuar yllin më të ndritshëm të popit, Geller, miku i ngushtë dhe i besuari i këngëtarit hap arkën e kujtimeve. Të ëmbla e të hidhura.

Skena jete të vërteta, dialogje, hipnozë, keqkuptime: historia e vërtetë e raportit me njeriun më të famshëm, më të diskutueshëm e më të vetmuar të botës. Geller, izraeliti 64 vjeç, i cili prej vitesh shfaqet në televizion për të demonstruar fuqi të ndryshme psikike rrëfen: “Kontakti i parë me Michael-in ndodhi në shtëpinë e Mohamed al-Fayed.

Uri Geller dhe Michael Jachson

Atëherë ai ishte pronar i dyqaneve Harrods e ma kaloi në telefon. Ulërinte: “Alo Uri, ka shumë kohë që ëndërroj të të takoj. Të kam parë shpesh në televizion”.

Pas disa minutave bisedë vendosëm të takohemi në Nju Jork. “Nuk mund të kuptohet një njeri i tillë nëse nuk merret në konsideratë fakti se Michael ka jetuar si një fëmijë që donte t’i rikthehej kohës kur ishte i vogël.

Një fëmijëri e kaluar larg moshatare që luanin, ndërkohë që ai kërcente dhe këndonte në skenë. Ai që kur u bë burrë nuk arriti kurrë të kuptonte është se një i rritur nuk duhet dhe nuk mund të ftojë në dhomën e gjumit adoloshentë.

Sepse bota e jashtme nuk e kupton dhe justifikon një sjellje të tillë. E kemi diskutuar shpeshherë dhe ma ka mbyllur këtë bisedë duke më kërkuar të mos përzihem me jetën e tij. Por për një gjë jam i sigurt: Michael s’i ka bërë kurrë keq asnjë fëmije”.

Michael Jackson, një nga artistët më të adhuruar dhe më me influencë të të gjitha kohëve, lë pas një krijimtari gjigande në muzikën dhe kulturën popullore amerikane, me përmasat e një legjende të pavdekshme.

Duke komentuar për humbjen e tij, Sër Howard Stringer, kryetar, shef ekzekutiv dhe president i korporatës Sony, tha se "Michael Jackson ishte një poet-muzikant lirik i shkëlqyer i brezit të tij, një gjeni, muzika e të cilit pasqyroi pasionin dhe krijimtarinë e një epoke. Shprehja dhe magnetizmi i tij

Michael ishte nga ato talente mahnitëse që rrallëherë vijnë në jetë. Pesë nga albumet solo të Jackson-it, "Off the Wall", "Thriller", "Bad", "Dangerous" dhe "HIStory" janë nga më të shiturit e të gjitha kohërave.

Gjatë karierës së tij të jashtëzakonshme, 13 nga këngët e tij zunë vendin e parë, u shitën 750 milion incizime të interpretimeve të tij në gjithë botën dhe ai u pëfshi dy herë në Hollin e Famës Rock and Roll-it. Jackson fitoi 13 çmime Grammy, mes tyre Grammy Living Legend Award në vitin 1993, si dhe çmimin e Akademisë Amerikane të Muzikës, "Artist i shekullit".

Michael Jackson u lind më 29 gusht 1958 në Gary të Indianës, i shtati ndër nëntë fëmijë. Ai fitoi famë në vitet 60-të si këngëtari kryesor i kompleksit Jackson Five, një grup shumë i suksesshëm i muzikës pop, i përbërë nga Michael-i dhe katër vëllezër të tij.

Me zërin e tij unik dhe kërcimin karakteristik "moonwalk" (shkarje mbrapsht që krijon përshtypjen e ecjes përpara), Jackson u bë këngëtari solo me disqet më të shitura të të gjitha kohëve. Në fillim të viteve 80-të, ai e shndërroi videon muzikore në formë arti me krijime të tilla si "Billie Jean", "Beat It" dhe albumin e tij epik "Thriller".

Tingulli i Jackson-it, stili dhe mënyra e tij e kërcimit frymëzuan breza të tërë artistësh më të rinj të muzikës pop, soul, R&B dhe hip-hop. Me gjithë famën dhe suksesin e tij financiar, Michael Jackson-i bëri një jetë të mbylluar.

Ai kishte disa shtëpi, përfshirë "Neverland", një pallat në Kaliforni me kopështin e tij zoologjik dhe një park lodrash për fëmijë. Michael shpesh argëtonte fëmijët dhe gjithmonë e hapte shtëpinë e tij për aktiviteteve bamirëse në shërbim të tyre.

Gazetarët e kanë përshkruar atë si një njeri që jetonte në botën imagjinare që krijoi vetë dhe kanë komentuar se kjo ishte përpjekja e tij për të rifituar fëmijërinë e humbur. Shumë njerëz besojnë se Jackson-i u përpoq gjithë jetën e tij për fituar vitet e humbura, duke u rrethuar nga fëmijë dhe duke e parë jetën dhe punën me pafajësinë e një fëmije.

Por suksesi i Jackson-it shpesh u zbeh nga trazirat në jetën e tij private. Ai u akuzua dy herë për abuzim seksual të djemve të vegjël dhe për një akt të tillë, ndaj tij u ngrit një padi gjyqësore në vitin 2003. Jackson u lirua nga akuzat dy vjet më vonë, por reputacioni i tij mbeti i njollosur.

Mbreti i muzikës pop, Michael Jackson, vdiq papritur më 25 qershor 2009 në Los Anxhelos të Kalifornisë, në moshën 50 vjeçare dhe pak para fillimit turneut të tij me një koncert në Londër. Ai u deklarua i vdekur dy orë pasi u çua nga shtëpia e tij në Qendrën Mjekësore të Universitetit të Kalifornisë, pasi pësoi një ndalim zemre në shtëpinë e tij në Los Anxhelos.

I vëllai i Michael Jackson-it, këngëtari Jermaine Jackson, u tha gazetarëve se një ekip mjekësor, përfshirë edhe mjekun personal të Michael-it, u përpoqën ta sjellin në jetë artistin si në shtëpi ashtu edhe në spital.

Estilen

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Historia e vërtetë e gjigandit te muzikes

Historia e vërtetë e gjigandit te muzikes

MENU

SHTYPI I DITES

REVISTA

FAQET PARTNER