Bastiset Ministria e Transportit dhe shtëpia Fatmir Limajt

nga capkenja Thu Apr 29, 2010 4:43 pm

Mblidhet urgjentisht Qeveria dhe kryesia e PDK-së

Prishtinë 28 prill

Karabinierë italianë që shërbejnë në kuadër të Policisë së EUELX-it kanë rrethuar dhe bastisur Ministrinë e Transportit dhe Telekomunikacionit në Prishtinë, në orët e pasdites së ditës së mërkurë. Ky aksion i Policisë së EULEX-it me urdhër të Prokurorisë speciale është bërë i ditur përmes zëdhënëses së EUELX-it Christina Heroldes. “Në orën 15:55, Departamenti Ekzekutiv i Policisë së EULEX-it ka bastisur disa lokacione në rrethinë dhe brenda Prishtinës".

Në komunikatë thuhet se "kjo është pjesë e vazhdës së hetimeve që udhëhiqen nga Zyra e Prokurorit Special në Kosovë (PSRK)".

Bastisjen në Ministrinë e Transporteve e ka vërtetuar edhe Besim Reçic, zyrtar i prokurimit nga Ministria e Transportit dhe Telekomunikacionit, i cili ka thënë se "rreth 30 policë hynë në ndërtesën" e ministrisë.

Sipas informacioneve të orës së pasdites, bëhet e ditur se njësitë speciale të policisë së EUELX-it kanë bastisur edhe banesën e Fatmir Limajt që gjendet në rrugën “Rexhep Luci” por edhe në shtëpinë e ministrit tëe Transporteve dhe Telekomunikacionit që gjendet në fshatin Bardhosh në dalje të Prishtinës.

Selia e Qeverisë së Kosovës në orët e vona të pasdites ka “vluar” më praninë e zyrtarëve të lartë qeveritarë në krye me kryeministrin Hashim Thaçi dhe me ministra të tjerë. Në selinë e kryeministrisë është parë edhe ambasadori amerikan Christofer Dell si dhe kryeparlamentari Jakup Krasniqi.

Një “gjallëri” është vërejtur në orët e pasdites së vonë edhe në selinë e PDK-së. Duket se një takim urgjent i Kryesisë së PDK-së është mbajtur në selinë e kësaj partie. Ministri i Punëve të Brendshme të Kosovës, Bajram Rexhepi, tha se nuk ka marrë asnjë informatë të drejtpërdrejtë në lidhje me bastisjet, të cilat EULEX-i po u bën lokacioneve të ndryshme në Prishtinë. “Nuk kemi direkt informata. Natyrisht se neve na informon shtylla e hetimeve aq sa duhet të na informoje që të mos dëmtohet. Mirëpo, edhe një herë e përmend, kemi insistuar që nëse kanë argumente, koha është për të vepruar, jo vetëm të mblidhen fakte, por të arrestohen edhe krim, edhe korrupsion edhe të gjitha dukuritë tjera që janë dhe që janë grumbulluar”, tha Rexhapi, pas një takimi me raportuesen për Kosovën në Parlamentin Evropian, Ulrike Lunacek.

Megjithëse është paralajmëruar një deklaratë e ministrit Limaj apo një kumtesë nga Ministria e Transporteve, deri në mbyllje të gazetës nuk është bërë një deklarim i tillë.

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Bastiset Ministria e Transportit dhe shtëpia Fatmir Limajt

Bastiset Ministria e Transportit dhe shtëpia Fatmir Limajt

MENU

SHTYPI I DITES

REVISTA

FAQET PARTNER