Shijak, pranga baronëve të drogës

Të arrestuarit e mbrëmshëm në qytetin e Shijakut bëjnë pjesë në një organizatë kriminale, të cilës gjatë periudhës 2003-2004 u janë sekuestruar një sasi prej 450 kilogramësh heroinë. Sipas policisë pesë të arrestuarit furnizoheshin me drogë në Turqi dhe më pas heroina kalonte transit nga Shqipëria për në Itali. Version multimedial i ketij lajmi

DURRES- Pesë të arrestuarit e mbrëmshëm në qytetin e Shijakut bëjnë pjesë në një organizatë kriminale, të cilës gjatë periudhës 2003-2004 u janë sekuestruar një sasi prej 450 kilogramësh heroinë. Të dhënat zbulohen nga Prokuroria e Milanos e cila në bashkëpunim me Prokurorinë shqiptare bëri të mundur arrestimin e “baronëve" të drogës.

Pas hetimeve intensive të kryera nga prokuroria italiane në Shqipëri mbërritën dhe fletë porositë për arrestimin e 38-vjeçarit Hekuran Hoxha, i njohur me pseudonimin "Roni" vëllait të tij Fatbardhi, 37 vjeç nga Shijaku, 35-vjeçarit Alket Hatija dhe 34-vjeçarit Sajmir Gjepali, po nga Shijaku dhe 35-vjeçarit Mentor Shehu, nga Berati i njohur me pseudonimin "Toku". Prangosja e tyre u krye mbrëmë në qytetin e Durrësit. Ata akuzohen se janë anëtarë të një prej rrjeteve më të fuqishme të trafikut të heroinës në itinerarin Turqi-Shqipëri-Itali.

Ndërkohë, mësohet se pjesëtar i këtij rrjeti të ketë qenë dhe Lutfi Shabani, i njohur ndryshe si Ben Çami. Ky i fundit (shok i Emiljano Shullazit, një prej emrave VIP të botës së krimit), u arrestua dy muaj më parë në Golem, teksa po transportonte 15 kilogram heroinë me destinacion Italinë.

Sipas hetuesve të çështjes, 5 trafikantët furnizoheshin me mall në Turqi dhe më pas e kalonin transit nga Shqipëria për në Itali. Ata akuzohen për "organizim, drejtim e financim të organizatës kriminale me qëllim trafikimin e heroinës" si dhe për "trafik ndërkombëtar të lëndëve narkotike".

(s.g/GazetaShqiptare/BalkanWeb)

mir ja u kan ber qeneve

epo gjith kjo pasuri qe posedojne njerzit e papune ((vjen dita & i vjell)