Kur rendet pas njeshit harrohen zerot..

nga bigbeng Sun Jan 10, 2010 9:29 pm

A ka demokraci nëse "bie" BERISHA?

Një pyetje makthi për ata që duan vetëm "një-shin" dhe harojnë "zero"-t

Kriza
që ka mbërthyer politikën shqiptare është një krize tipike e fqinjëve
tanë perëndimorë : Italia. Zonja Topalli e sapokthyer prej andej tha se
"Italia na mbështet dhe habitet me krizën tonë ..." Ndërkohë ,
udhëheqsi i lavdishëm Berisha nga Europa ose "Moska e Enverit" deklaron
se "të gjithë janë me ne" përvec Edi Ramës..."

Unë që jetoj
mijra kilometra larg, përpiqem t'i "përtyp" këto budallallëqe të
politikës shqiptare. I përtyp, por nuk mund t'i kapërdij dot, nuk mund
t'i pranoj këto cmenduri të këtij shekulli dhe në heshtje them: "Shyqyr
që nuk jam aty...". Por aty për aty, ndërroj mendje. Se unë nuk jam
aty, jam qytetar amerikan, por miqte e mi janë po aty, fisi im jeton po
aty, i torturuar nga "devollicja" e politikës shqiptare. Kërkoj të gjej
dicka magjike ta thyej rutinën vrasëse së fjalimeve në Tiranë, por e
kam shumë të vështirë , e kam të pamundur...Sepse po t'u them se këtu
ku jetoj, unë në se im bir në shkollë thyen një rregull dhe fyen dikë ,
unë duhet të shkoj në gjyq, duhet të paguaj një avokat që të mbroj të
drejtën time dhe të fëmijës ...Në se këtu, shkel ligjin, Amerika të
kthehet në një "ferr" pa fund...
Solla shembuj kalamajsh që secili që ka "shkelur" rrugën që quhet familje, i kupton fare qartë .
Po
sot në Tiranë kur politika është kthyer në "lodër çiliminjsh" si është
e mundur të menaxhohet jeta me adoleshentë në familje? Si prindi mund
të sjellë një shembull që fëmija mund të mësojë ? Se, le të jemi
realistë. Në kohën e diktaturës, ishin ca shembuj vulgarë por të qartë
: Mos kalo kufirin se ndëshkohesh! Mos shaj partinë se futesh në burg!
"Jemi diktatura e proletariatit"...E zeza mbi të bardhë...

Thjesht,
por qartë . Moral i mbrapshtë , por ishte "moral i kohës". Ishte koha e
"diktaturës së proletariatit". Brezi i ri mbase nuk e kupton ose e
keqkupton, por në atë kohë vetë dikatatori Enver Hoxha mbante fjalime
në kongrese dhe bërtiste:"Diktatura e proletariatit është demokraci e
vërtetë ". Dhe ne duartrokisnim dhe heshtnim. Të gjithë ata që thonë se
ne flisnim kundër gënjejnë . Ne, të gjithë heshtnim dhe
duartrokisnim... Jam i sinqertë kur shkruaj këto radhë . Po sot, a po
bëjmë të njëjtën gjë?!

Po sot? Gati 20 vjet demokraci dhe ne
sërish ndjekim një "udhëheqës" pa ideolologji dhe elementët thelbesorë
të demokracisë që janë: tolerancë , kulturë , dialog. Vetë Sali Berisha
është njeriu në monolog në këto 20 vjet. Ai vetëm bën monolog me
vetveten dhe partinë e vet. Ai bën monolog me veten e vet dhe qeverinë
"servile", ministrat servilë, që ashmë kanë "bekimin" e njeriut më të
neveritshëm Ilir Meta. Si dikur Ramiz Alia, ai dëshiron vetëm "të mbajë
fjalime"...Dhe Ilir Meta e duartroket. Dhe "sojsëzi" Meta thotë "në
Shqipëri nuk ka krizë..."Si dikur kur Ramiz Alia thoshte: "Shqipëria
nuk është as lindje as perëndim..." Si dikur kur qindra njerez vërshuan
ambasadat dhe ne nuk "shihnim krizë"

...O njerëz, zgjohuni për
vehten tuja dhe familjet tuaja. Zgjohuni për atë Shqipëri fakteqe që
unë e lashë por mos e lini ju që nuk keni ku shkoni...!
Lufta për
pushtet është "jeta a vdekje" në Tiranë . Dhe unë i kuptoj qartë
interesat që "frymëzojnë" politkanët tanë majtas apo djathtas,
sidoqoftë , është koha të jemi realistë . Në demokracinë e Shqipërisë
nuk ka më vend për ish-komunistë si Sali Berisha. Berisha nuk kupton se
ai e ka kryer misionin: Përmbysi komunizmin enverian. (Në fakt jo ai,
por të gjithë ne). Por le t'ja japim këtë meritë historike Sali Ram
Berishës, sepse e meriton edhe pse u fsheh bukur si ish-komunist nën
pardesynë e bardhë të Azem Hajdarit apo Gramoz Pashkos. Turp për këtë
monstër që do ta krahasonte Azem Hajdarin me Rita Markon... Por le të
jemi koshientë : Berisha ka meritë në përmbysjen e madhe. Ai ka qënë
faktor edhe pse diti të na shfrytëzonte bukur të gjithë neve që vërtet
nuk duronim atë diktat të byrosë së mplakur... Ka shumë njerëz që
kuptojnë misionin, e realizojë atë dhe ikin... Ikin që t'i thërrasë
historia. Por si shpjegohet që nuk kemi një ikje për t'u "thirrur" në
Tiranë ? Pse njerëzit nuk e kuptojnë se kane një mision në një kohë ta
cakuar dhe duhet të "ikin"!
Unë mendoj se ky është mentaliteti
enverian i kohës që kapërcyem të cilën Berisha ende e sheh si "kohë
lavdie". Ai në mënyrën më idjoteske cirret në parlament se "u rrëzova
baballarët, u rrëzova edhe juve...". Dhe me së fundi flet për bandat
"punisto-mafioze". Unë nuk kam parë ende një udhëheqës kaq monstruoz sa
Sali Berisha. Ai është gati të thotë se "jam demokracia" kur vetë kjo
fjalë nënkupton të tjerët para individit në pushtet. Dhe më vjen aq keq
qe nuk ka forca ta flakin një "djall" të politikës" sic është Berisha.
Ai kërkon konflikt dhe e krijon, ai shpik fjalë dhe i përsërit
"kriptokomunist", "mafiozo-punist", "mafia e ballkanit"...

Oh
zot! Sa lojë e dhimbshme! Zoti Kryeministër! Cfarë bëre për 4 vjet për
ta luftuar këtë "mafie ballkanike" që "pastron para" nën hundën tënde
për 4 vjet në pushtet? Pse nuk reagove ndaj saj për 4 vjet, por tani ja
u ofron shqiptarëve si "gogol" si dukur ofroje "kriptokomunistët" e tu?
Qetsohu, kreu i qeverisë dhe mendohu para se "mban falime"! Të lutem,
bashkëkombasi im, mos luaj me atë popull fatkeq. Ti je dëshmitar se
Hoxha jotoi 40 vjet ne "parajsën komuniste" dhe shkoi ku shkoi, Zogu
luajti dhe mbretëroi dhe shkoi ku shkoi... Po ti bashkëkombasi im, a
beson se jemi të barabartë ? A beson se cdo shqiptar meriton të jetë i
barabartë dhe i trajtuar barazisht nga ligji dhe qeveria? Pse unë
ndihem kaq i barabratë në SHBA dhe po te vi aty do të jem "mes
ulkonjave" sepse nuk mund të pajtohem me mënyrën se si qeveris dhe
dikton Sali Berisha?

Nëse nesër "bie" Berisha 2, a do të thotë
se u "shemb" e "varros" demokracia në Sshqipëri? Jo! Rënia e qeverive
është pjesë e procesit demokratik, dmth se populli nuk është i kënaqur
teston serish vullnetin e vet. Në kohën e Enverit nuk "binin qeveritë"
, në demokracitë evropiane "rëniet e qeverive" janë normale. Hidhi një
sy Italisë! Sa qeveri jane rrëzuar dhe krijuar? Dhe nëse do të shkosh
në Europë, bëju si ajo, respekto kundërshtarin politik. Mos shaj me
"nënë e babë" si dikur në bjeshkët e tua...
Nuk kam asnjë pasion
politik, edhe pse Sali Berishën e kam parë përherë në mënyrë skeptike.
Nuk i kam besuar, më është dukur dhelparak, i pabesë , diktator "me mu,
ose kundër meje", "Demokrat ose armik"... Por nuk janë këto gjykime që
me shtyjnë të shkruaj: Pyetja ime është e thjeshtë : A jeton demokracia
në Shqipëri nëse "bie" Berisha? Unë them se po. Demokracia nuk është
një monopol partiak, ajo është një monopol i së vërtetës. Dhe unë
përgëzoj në këtë progres të Shqipërisë të gjithë njerëzit e biznesit,
le ta nis nga Koço Kokëdhima, Dulaku, Taçi, Uldedaj, Malaj dhe sa e sa
të tjerë ... Biznesi është ajo shtyllë vitale ku mbahet një shoqëri dhe
askush nuk ka të drejtë ta viktimizojë një biznes si "prokuror"kur
realisht është udhëheqës politik...

Njerëz: Mos harroni këtu e
25 vjet më parë, kur vdiq Enveri disa thanë : "Iku Shqipëria. Na hëngri
gjarpri..." Jo. Shqipëria u bë më e bukur qyshkur Enveri vdiq. Fitoi
lirinë . Shqipëria do të bëhet sërish "nuse" në se një ish-komunist do
të detyrohet të dalë në "penison"...

I dashur Sali Berisha!
Unë
që shkruaj këto radhë , nuk jam armiku jot. Të dua si njeri dhe
shqiptar. Të admiroj për vullnetin politik që dole nga "varri politik"
dhe u bëre sërish udhëheqës i shqiptarëve. I fute në NATO. Të lumtë ,
është meritë . Kërkon ti futesh në BE. Bravo! Por leri ca punë të
tjerëve. "Trimi i mirë, me shokë shumë " thotë një fjala jonë nga
Jugut. (edhe nga Veriu thonë kështu). Unë ika nga Tirana sepse ti u
çmende pas pushtetit tënd presidencial më 1997. (Sot nuk ndihet një
pushtet presidenti. Thjesht një kukull Saliu. Sa mëkat!). Të jam
"mirënjohës" për atë çmenduri se më bëre të ikja. Tani, që jam larg dhe
larg dhunës tënde kryeministrore, dua të të them vetëm një gjë: Magjia
e Amerikës nuk janë thjesht Presidentët, por individët e lirë , që
qeveria e ka vështirë t'i përdhunojë sepse i mbron ligji... Të lutem,
si i ikur: Jepu njerëzve atë që meritojnë : lirinë dhe barazinë para
ligjit. Ti je thjesht një nëpunës i lartë, që të kanë punësuar shumica
shqiptare. Të lutem sillu si shërbëtor i atij populli, jo si mbret dhe
diktator. Unë të garantoj një gjë, nëse ti ik nesër, ose "bie", ose
larg qoftë vdes nga Zoti, populli shqiptar nuk do të kthehet kurrë në
komunizëm... Këtë së paku nuk do të lejojmë ne që jemi miliona jashtë
dhe s'ka burrë nëne të kthejë konunizmin në Shqipëri. Ju e dini këtë
shumë mirë , por luani një lojë të hidhur dhe jo të ndershme. Mos harro
armiku jot politik Edi Rama, ka qënë i "sëmurë epileptik" kundër
komunizmit. Unë kurrë nuk besoj se ai sjell komunizëm nëse të
zëvendëson ty në pushtet. Do të jetë thjesht një rrotacion, i dashur
kryeministër Berisha, që ti nuk duhet t'i frikesh, në se populli voton
një vullnet të tillë . Kësaj i thonë : Demokraci!

Shefqet MEKO
Minneapolis SHBA

Une mendoi dhe besoj se ne thellesi te shoqerise shqiptare ka zera revoltues dhe extreme.Po nje gje eshte e sigurte:Demokracia eshte e drejta e gjithsejcilit per te mos qene i kenaqur me qeverisjen.Ky eshte thelbi i progeresit ne nje shoqeri te lire.....

Bigbeng........-Estilen

nga capkenja Sun Jan 10, 2010 9:45 pm

E lexova te gjithe shkrimin dhe ishte nje shkrim me shume kuptim dhe shum demethenes.Me vjen keq per popullin tone qe nuk kerkojn e te drejtat e tyre,por dine te dalin dhe te brohorasin vetem kur partite e ndryshme mbajne fjalime dhe kjo eshte nje vazhdimesi e komunizmit,ate rruge ndjekim akoma!