Britani, kapen 1.5 ton droge, mes te arrestuarve shqiptare

nga capkenja Sat Dec 26, 2009 4:56 pm

LONDER- Një rrjet ndërkombëtar i trafikut të kokainës është shkatërruar në Britaninë e Madhe. Mes anëtarëve të rrjetit ishin dhe 13 shqiptarë.

Operacioni është kryer nga policia londineze e cila sekuestroi një sasi prej 1.5 ton kokainë në portin e anijes The Destini Empress të ndodhur 200 milje larg brigjeve spanjolle.

Vlera e kokainës e destinuar për në Britani e në gjithë europën ishte 400 milion paund. Operacioni u krye në orët e para të mëngjesit të datës 23 dhjetor, por policia informoi më vonë rezultatet e operacionit.

Task force dhe Agjecia e krimit të organizuar bënë të ditur se trafikantët siguronin drogën në Kolumbi e përmes Spanjës e Karaibeve për të mbërritur në tregjet europiane.
Operacioni u shtri në katër shtete, Britani, Spanjë, Karaibe e Kolumbi.Droga ishte e klasit A dhe trafikantët akuzohen për pastrim parash në vlerën e milionave paund.

Sipas inspektorit të policisë britanike Piter Bejer, kjo ishte një nga sasitë e drogës më të mëdhatë e kapura ndonjëherë. Ai falenderoi policinë spanjolle për bashkëpunimin.

Në një raport të fundit të Shërbimit Inteligjet në Britani në këtë vend operojne 400 oganizata kriminale, ku shqiptarët së fundi kontrollojnë trafikun e heroinës e kokaines dhe gjithë prostitiucionin e organizuar.

Ky lajm i mediave britanike eshte komentuar nga forumet serbe ne internet, me titullin kapet kokaina e shqiptarëve, dhe dhjetra serbë kanë bërë komente të ndryshme antishqiptare, ku thuhet se shqiptaret kane gjetur nje menyre ilegale per te ushqyer njerezit e uritur ne vendin e tyre.

Vec 13 shiptarëve qe ndodheshin në bordin e anijës, për këtë trafik janë arrestuar edhe persona të tjerë, por nuk përcaktohet kombësia e tyre.
(NEWS24/BalkanWeb)