Kina, rekord duke prodhuar më shumë se 12 milion automjete

nga capkenja Thu Dec 10, 2009 3:38 pm

Kina ka prodhuar më shumë se 12 milion automjete qysh nga fillimi i vitit 2009 deri më tani dhe kështu bëhet vendi i tretë në histori që prodhon më shumë se 10 milion njësi në një vit kalendarik.

Shoqata e Prodhuesve të automobilave të Kinës (CAAM), i ka analizuar keto shifra dhe ku sipas saj pritet që ky numër të arrij deri në 13 milion njësi deri në fund të vitit.

Kina prodhoi një rekord prej 9.4 milion njësi gjatë vitit 2008, me një rritje deri në tetë për qind krahasuar me vitin paraprakë. SHBA dhe Japonia janë vendet e vetme që kanë arritur të të prodhojnë një shifër kaq të lart me mbi 10 milion njësi në të kaluarën.

Kina për herë të parë dhjetorin e kaluar mori epitetin e vendit të parë për shitje të veturave të cilin epitet e kishte SHBA dhe pavarësisht rënies ekonomike globale, kërkesa vazhdon të rritet.

Sipas agjensisë së lajmeve kineze Xinhua, prodhuesi më i madh i Kinës, korporata industriale e automjeteve Shanghai ka shitur 2.4 milion makina gjatë këtij viti deri më sot, një rritje prej 54 përqind nga viti i kaluar.