Çizmet e rrafshëta të dëmshme

nga Barbi Fri Dec 04, 2009 2:28 pm

Çizmet e rrafshëta dhe atletet janë mbathjet më të përdorura nga femrat për çdo ditë. Mirëpo, ekspertët paralajmërojnë se moda e tanishme, e cila nënkupton mbathje të rrafshëta, mund të jetë fatale për shëndetin e këmbëve, gjunjëve dhe shpinës.

Mbathjet e këtilla janë katastrofale”, thotë Ema Sapl, ortoped në klinikën Saplfit në veri të Londrës. “I keni vetëm një palë këmbë dhe ato u nevojiten tërë jetën. Por, prapë vajzat dhe gratë e sotme bartin mbathje që absolutisht janë të papërshtatshme.

Tani kemi gjenerata të tëra që do të kenë probleme serioze shëndetësore për shkak të këpucëve që i bartin”, shton ajo.

Vajzat e reja janë posaçërisht të ndjeshme ndaj këtij problemi, për shkak se eshtrat e këmbëve vazhdojnë të rriten gjatë periudhës së adoleshencës.

Eshtrat janë ende të butë dhe mund të fillojnë që të marrin formë të panatyrshme. Kjo sjell deri te ndryshimi në mënyrën e të ecurit, çka në mënyrë zinxhir shkakton probleme në eshtra, më konkretisht në gjunjë, ije dhe shpinë