Shëndeti, pasuria dhe puna e mirë janë sekreti i lumturisë !

nga DEA2 Mon Sep 08, 2008 12:25 pm

Një punë cilësore, shëndeti i mirë dhe siguria financiare janë sekreti i lumturisë. Këtë e vërteton një sondazh i qeverisë amerikane i kryer në mijëra njerëz në të gjithë botën. Përpjekjet për ta kategorizuar mirëqenien e popullsisë kanë treguar se tre të katërtat e popullsisë e klasifikojnë kënaqësinë me jetën në pozicionin e 7-të nga maksimalja 10. Sondazhet zbuluan ndryshime të mëdha mes njerëzve të profesioneve dhe të moshave të ndryshme.
Grupi A
Profesionistët, doktorët, avokatët, infermierët, mësuesit dhe policët ishin më të kënaqurit me jetën, duke i vënë jetës së tyre notën 7.6 nga 10. Këto grupe përbëjnë 10 për qind të popullsisë. Punonjësit profesionistë ishin ata me një lumturi mesatare. Më të palumturit ishin punëtorët, pensionistët dhe të papunët; ata që përbëjnë 15 për qind të popullsisë. Nota e lumturisë së tyre ishte 6.7 nga 10 pikë. Ata ishin ndjerë më shumë se grupet e tjera të palumtur, në gjendje depresioni, të pasigurt dhe të vetmuar. Ana e mirë ishte se ishin më të kënaqur me jetën e tyre, pasi ndiheshin pjesë e komunitetit, duke reflektuar varësinë e tyre ndaj saj.
Grupi C
Shitësit e dyqaneve, hidraulikët, stafi nëpunës dhe menaxherët e rinj i vinin jetës së tyre notën 5 nga maksimalja 10. Ata s'ndiheshin as të palumtur dhe as të lumtur. Por në mesin e këtyre punonjësve, rreth 15 për qind, kishte nga ata që e konsideronin veten plotësisht të lumtur, duke i vënë jetës notën 10. Sondazhet e kryera në mijëra njerëz treguan se frika ndaj sigurisë financiare dhe shqetësimeve ndaj komunitetit e shqetësonin mendjen njerëzore. Kënaqësia ishte më e lartë me marrëdhëniet dhe përshtatjen në shoqëri. Mosha luante rol të rëndësishëm në reagimet e njerëzve. Shqetësimet për paratë ishin më të ulëta tek të moshuarit, por shqetësimet për shëndetin ishin më të larta. Për të rinjtë ishte e kundërta. Ata mbi moshën 65-vjeçare ishin shumë të kënaqur me standardin e jetësës, dhe 80 për qind ishin të kënaqur me sigurinë financiare.