Aborti: Është vrasje apo shpeshherë, e vetmja zgjidhje

Aborti është shkatërrim i qëllimtë i fetusit në mitër apo çfarëdo
lindje para kohe me qëllim që të shkaktohet vdekje e fetusit. Ashtu siç
është i dukshëm qartë edhe rezultati i veprimit, qëllimi është që të
përfundohet jeta e një krijese të gjallë, që e bën abortin temë kaq të
dënueshme moralisht nga shoqëria. Edhe pse aborti është në kundërshtim
me urdhrat bazë të praktikës mjekësore, siç janë “Mos dëmto” apo
“Respektoje jetën njerëzore”, përsëri është i rrënjosur në historinë e
asaj praktike. Është e rëndësishme dhe e nevojshme puna e punonjësve
shëndetësorë që të pakësojnë numrin e aborteve që gjenden në një
shkallë të lartë. Në të vërtetë, duke marrë parasysh vetëm etikën e
kësaj praktike, vihet re se ajo është shumë e shpërndarë dhe në
shpërndarje e sipër, në të gjitha viset e botës.
Lejimi i abortit
Janë
të lejueshme vetëm dy lloje të abortit, pra për “përfundimin e
shtatzënisë”. Lloji i parë, i quajtur “indikacione mjekësore”, përfshin
rastet kur vazhdimi i shtatzënisë do ta rrezikonte jetën e gruas
shtatzënë, apo shëndetin fizik dhe psikik të saj, apo madje edhe të
fëmijës, në përmasa shumë më të mëdha sesa po të ndërpritej shtatzënia.
Në të përfshihen edhe ato raste në të cilat ekziston rreziku, që po të
lindej foshnja do të kishte anormalitete fizike dhe mentale që do ta
ç’aftësonin seriozisht. Lloji i dytë i indikacioneve, të ashtuquajturat
“indikacione sociale”, janë më të ndërlikuara dhe ndryshojnë mes
kulturave dhe epokave kohore. Disa shembuj janë si shtatzënitë që
rezultojnë prej marrëdhënieve jashtëmartesore, prej dhunimeve apo
incesteve, shtatzëni të padëshiruara apo paplanifikuara, shtatzëni në
moshë shumë të re apo shumë të vjetër, pritje e foshnjës së gjinisë së
“gabuar”, informatë kjo e cila në ditët e sotme sigurohet nga
teknologjia e zhvilluar. Mund të themi se janë në rend të parë “shkaqet
sociale” të këtij lloji që çojnë prindërit drejt abortit. Përfundimet
aktuale të shtatzënive janë bërë gjithashtu pa kujdesin e punëtorëve
shëndetësorë apo nga ndonjë person i pakualifikuar, në disa raste edhe
nga vetë femra shtatzënë.
Diskutimi
Abortimi çdoherë ka qenë
temë diskutimi nga ana e mjekëve, filozofëve, avokatëve dhe teologëve
prej këndvështrimeve të ndryshme. Një milion e gjysmë abortime kryhen
vetëm në SHBA për çdo vit, një e treta e tyre tek adoleshentet ndërmjet
moshës 12 dhe 17-vjeçare. Prandaj, është vështirë të diskutohet mbi
përgjegjësinë morale të këtij problemi shoqëror që është i pranishëm në
një masë kaq të madhe. Anketa e J.Harris e realizuar në vitin 1991, ka
treguar se 81 për qind e të moshuarve në Angli janë deklaruar në favor
të së drejtës së femrës për të zgjedhur se a do të aplikojë abort në
tre muajt e parë të shtatzënisë. Tipar i rëndësishëm në këtë aspekt nuk
është aq shumë numri i përgjithshëm i aborteve, por rritja e numrit të
tyre në krahasim me vitet e kaluara. Të dhënat tregojnë se këtu kemi të
bëjmë me rritje të pranueshmërisë publike të abortit si mënyrë normale
e jetës. Specialistët duke komentuar këtë fakt shprehen se: “Aborti
tani është duke u legalizuar dhe praktikuar edhe më tepër për shkak se
ajo është çfarë njerëzit duan, indikacion për ndërhyrje mjekësore për
shkatërrimin e jetës, e panjohur në etikën tonë më parë.”

Pasojat negative që sjell aborti te femrat

- Gjatë abortit mund të ndodhë çarje e mitrës
- Nëse hasen probleme me mitrën duhet të çahet barku
- Nëse je e detyruar mund ta heqësh fare mitrën
- Pas aborteve hemorragjitë janë me përqindje të lartë
- Komplikacionet më të shpeshta bashkë me hemorragjitë janë infeksionet
- Shpeshherë është i nevojshëm një pastrim i dytë
- Aborti ul mundësinë për të ngelur prapë shtatzënë
- Mund të shkaktojë edhe vdekjen e gruas

Tre mendimet që ekzistojnë për abortin
Njerëzit
të cilët kanë definuar pikëpamjet rreth kësaj çështjeje, në përgjithësi
marrin njërën nga këto tri pozita: 1) Aborti është çdoherë i gabuar dhe
nuk duhet lejuar në asnjë kohë dhe për kurrfarë arsye, 2) aborti mund
të aplikohet në çdo kohë dhe për çfarëdo arsye, 3) aborti duhet lejuar
vetëm deri në një stad të caktuar të shtatzënisë, pas të cilit nuk mund
të lejohet, me përjashtim nën rrethana të posaçme. Njerëzit e grupit të
parë nuk janë shumë në numër. Sipas tyre do të ishte gabim serioz të
shkatërrohet qeliza vezë e fekonduar kurdo qoftë, për shkak se kjo do
të thotë vrasje e krijesës njerëzore. Për ta aborti është i ndaluar
edhe atëherë kur jeta e nënës është në rrezik, apo kur shtatzënia është
rezultat i ndonjë ngjarjeje të padëshiruar, si është dhunimi apo
incesti.

Rrethana që justifikon abortin
Një rrethanë e
veçantë që justifikon abortin, nga kjo pikëpamje, është diagnostikimi i
anormaliteteve të rënda te fetusi. Argumenti është se është gabim të
sillen në botë vuajtje të cilave mund t’u shmangemi dhe ne jemi
moralisht të obliguar të përfundojmë jetën e fetuseve me probleme
serioze shëndetësore. Dikush ka shpjeguar se nuk është e pranueshme ta
pranojmë këtë arsyetim si “në llogari” të fetusit. Në realitet,
shmangia e vuajtjeve është shmangie në llogari të nënës dhe
përkujdesjeve të tjerë potencialë. Në këto raste prindërit duhet të
kujdesen për atë fëmijë, duke përfshirë këtu dhimbjet dhe mundimet e
tij. Specialistët thonë se aborti në rrethana të tilla është në të mirë
të prindërve, jeta e të cilëve do të ishte e vështirësuar me
përkujdesjen e fëmijës krejtësisht të paaftë.

Embrioni tetëmuajsh, aborti
Embrioni
që i ka kaluar të tetë javët e para nëse dëmtohet mundet, në këtë
drejtim, të konsiderohet ngjashëm si me kufomën njerëzore. Në momentin
e caktuar asnjëri prej tyre nuk është qenie humane. Embrioni do të
bëhet ajo, që trupi i pajetë dikur ka qenë. Prandaj ua kemi borxh
respektin që të dyve. Nëse e dëmtojmë dhe nënçmojmë kufomën, kjo do të
jetë diçka jomorale dhe e turpshme. Njëjtë, nëse e shkatërrojmë apo i
japim fund jetës së embrionit, kjo nuk është sulm mbi qenien
individuale njerëzore (humane), por mbi qenien edhe më tej jonjerëzore
dhe jodinjitoze. Sidoqoftë, ndonjëherë është e nevojshme të ndërmerret
një veprim i tillë qoftë dhe i pamoralshëm dhe jonjerëzor, që të
mbulojmë disa veprime tjera më jonjerëzore dhe më të pamoralshme, siç
është dhunimi.

E drejta e fetusit dhe e drejta e nënës
Njerëzit
që kanë shkruar për çështjen e abortit janë koncentruar më tepër në dy
çështje: E para, “të drejtat” e fetusit dhe nënës, veçanërisht e drejta
e femrës në trupin e saj; dhe e dyta, çështja e “personalitetit” të
foshnjës së pa lindur. Judith Jarvis Thompson është njëra prej atyre që
i drejtohet çështjes nga perspektiva e të “drejtave” të fetusit dhe
nënës. Ajo nuk ka vështirësi ta njohë “personalitetin” e fetusit. Ajo
thotë se çdo person ka të drejtë të jetojë, pra edhe fetusi ka të
drejtë të jetojë. Sidoqoftë, ajo beson se nëna është ajo që mban të
drejtën të vendosë se çfarë do të ndodhë në dhe me trupin e saj. Disa
njerëz mendojnë se aborti është moralisht i justifikueshëm kur
shtatzënia është rezultat i dhunimit apo incestit, dhe kur janë
diagnostikuar anormalitete të fetusit në zhvillim.

personalsht i urrej femrat qe abortojn por,,,,,,,ndonjeher kjo u paraqitet si e vetmja mundesi per rrug zgjidhje ,,,,,,,,,,,

Vendimi me i veshtire qe nje femer duhet te marre ne jeten e saje,nuk jam dakort me abortin por jetes nuk i duhet.Shpresoj qe mos te ndodhem kurre para nje vendimi te tille.

ABORTI = VRASJE nuk ka asnje lloj shpjegimi llogjik