Hashim Thaçi nuk është themeluesi i UÇK-së

Bota Sot | 26.05.2014 10:51 • Nehat SHAQIRI



Kryeministri në largim i Kosovës, Hashim Thaçi, nuk është themeluesi i Ushtrisë Çlirimtare të Kosovës (UÇK), të paktën kështu thotë një dokument i shtetit zviceran.

Në raportin e shërbimit sekret të Zvicrës të vitit 1998 “Mbi gjendjen në Kosovë”, prezantohen fakte diametralisht të kundërta nga ato që prezantohen në biografinë e Thaçit, siç shkruan në faqen e internetit të Kryeministrisë se: “Z. Hashim Thaçi është ndër themeluesit kryesorë të Ushtrisë Çlirimtare të Kosovës (1992)”.

Ish eprori i lartë i UÇK-së, G2, UÇK-TMK dhe pjesëtarëi i Shërbimit informativ të Kosovës (SHIK), Naim Miftari thotë për gazetën “Bota sot” se, edhe më parë ka thënë se Hashim Thaçi nuk është themeluesi i UÇK-së, por sipas tij është shkatërruesi dhe demobilizuesi i saj. Kjo është e vetmja Ushtri që i dorëzoi armët ende pa përfunduar lufta, dhe ende pa e liruar territorit të një shteti (Kosovës).

“Dihet mirë se roli i Hashim Thaçi është rrit gjatë konferencës së Rambujes, ku me ndihmën e DGSE-së (Shërbimi Sekret i Francës), dhe me lidhshmërinë që e ka ky shërbim me Shërbimin sekret serb e cila njihet edhe si shërbim proserb, Hashim Thaçi dihet botërisht se ka qenë agjendë i Shërbimit francez dhe ka të dhëna publike mbi këtë lidhshmëri. Dihet shumë mirë se, rrënjët e Ushtrisë Çlirimtare të Kosovës burojnë nga vetë populli dhe si bërthamë është grupi prej 53 vetave që në vitin 1991 ushtruan dhe nga ushtarakët shqiptarë në malin Dajt, në kasarnën e Surellit në Shqipëri”, thotë Miftari.

Miftari pohon se, dihet shumë mirë se në këto grupet e para kanë qenë edhe shtyllat kryesore të UÇK-së pas kësaj kohe, duhet të cekim se në këtë grup kanë marr pjesë Zahir Pajaziti, Adem Jashari, Sali Çekaj, Murat Jashari e shumë të tjerë, ku si koordinator i këtyre grupeve ka qenë Sali Çekaj, Imer Berisha, Fehmi Agani.

“Kjo ka qenë themeli i Ushtrisë Çlirimtare të Kosovës, ndërsa Hashim Thaçi në këto ndodhi nuk përmendet askund, ndoshta përmendet ma vonë vetëm për faktin se i ka luftuar të gjithë këta njerëz. E kaluara e Thaçit është e panjohur dhe e kamë thënë publikisht se as 20% nuk e njohim kryeministrin tonë i cili po e udhëheq shtetin. Do jetë e dhimbshme nëse në të ardhmen do të dalin të dhëna tjera negative të verifikuara, shumë ma të rrezikshme dhe të dëmshme për Kosovën e sidomos për UÇK-në. Sa e ka dashur UÇK-në, Hashim Thaçi tregon marrëveshja K-90 në vitin 1990 ku shumica e ushtarëve u lanë rrugëve, u gënjyen, u shantazhuan, u çarmatosën dhe u kriminalizuan nga vetë Thaçi me kompaninë e tij, e cila nuk njihet ndonjëherë që ka marr pjesë në operacionet e UÇK-së kundër ushtrisë okupatore serbe”, thekson Miftari.

Themeluesit kryesor të UÇK-së janë Zahir Pajaziti, Adem Jashari e Sali Çekaj, thotë për gazetën “Bota sot” analisti politik Gazmend Islami.

“Po bërthamat e grupeve të para të armatosura kanë filluar qysh herët me çetën e Llapit ku ky grup kishte ndarë mendjen të luftoj Serbinë, gjithashtu nga vitet 90 deri kah viti 93 vepronin disa grupe të armatosura të ndara në disa rajone si në Llap, Drenicë, Dukagjin. Mund lirisht të themi se Zahir Pajaziti, Adem Jashari, Sali Çeku janë si themeluesit kryesor të UÇK-së”, thotë Islami.
Islami pohon se, Hashim Thaçi, Xhavit Haliti, Azem Syla e Kadri Veseli, përmes SHISH-it shqiptar, krerëve të UÇK-së ju kanë bërë kurthe duke i qitur në prit dhe duke i burgosur, me qëllim për të marr primatin e të parit.

“Ka propaganda të fuqishme të grupeve të caktuar që Hashim Thaçin ta qesin në krye të UÇK-së, por krejt historia e saj tregon të kundërtën këtë mund ta dëshmojnë Ramush Haradinaj, Rexhep Selimi, Lah Ibrahimaj, Nait Hasani. Pra Hashim Thaçi, Xhavit Haliti, Azem Syla, Kadri Veseli këta nuk ishin kurrë themeluesit e UÇK-së, këta përmes SHISH-it shqiptar krerëve të UÇK-së ose ju bënë kurthe siç i qiten në prit ose i burgosen për të marr primatin e të parit. Me ardhjen në pushtet të njerëzve të ndershëm mund të shkruhet historia e re e Kosovës e pa ndikuar nga politika”, thotë Islami.

Më poshtë janë grupi i parë dhe grupi i dytë i pjesëtarëve të UÇK-së, që janë ushtruar në Shqipëri.
Grupi parë:

Sali Çekaj; Zahir Pajaziti; Ahmet Hoxha; Bashkim Leci; Zymer Lulaj; Kadri Gubetini; Ismet Çerkini; Artan Gjini; Arsen Hamiti; Fatmir Racaj; Ibush Metushi; Agron Tushi; Fatmir Fejzullahu; Hysni Mehmeti; Afrim Zena; Hysen Agushi; Vehbi Zeqiri; Besim Shehu; Ramiz Ramadani; Halil Halili; Rushan Teneqja; Ahmet Zeqiri; Rexhep Luma; Minush Luma; Sedat Osmani; Ramadan Pajaziti; Shemsi Krasniqi; Remzi Mehmeti; Selami Hasani; Agim Demnika; Ekrem Matoshi; Sami Hasani; Sami Vishi; Azbi Veliu; Ali Guri; Musa Shabani; Ajet Shala; Sejdi Sula; Milazim Miftari; Shaip Haziri; Fadil Begu; Mefail Vishi; Shemsedin Sulejmani; Milaim Gerbeshi; Rexhep Ilazi; Islam Visoka; Ilmi Topalli; Ylber Topalli; Xhevat Qerimi; Bashkim Thaçi; Bajram Kadriu; Shefqet Brajshori; Bajram Miftari.

Lista e 54 emrave nga grupi i dytë i gueriles shqiptare
Adem Jashari; Ilaz Kadriu; Osman Ferizi; Avni Zymeri; Adem Maksuti; Shaqir Salia; Avni Rama; Sami Tahiraj; Shkelzen Gjonaj; Naim Gubetini; Xhavit Gubetini; Lutfi Jonuzi; Ramadan Begu; Ilmi Peci; Shahin Bejtollahu; Hasan Ferizi; Ejup Murseli; Isa Xhaferri; Naser Jakupi; Jakup Limani; Sait Jashari; Bujar Zeneli; Nazmi Bajrami; Beqir Saiti; Orhan Ibrahimi; Bujar Hazizi; Faton Gajtani; Shemsi Zeqiri; Samet Rrahmani; Adem Derguti; Muharrem Bobaj; Ferat Çerkezi; Ahmet Berisha; Murat Jashari; Ilmi Bajrami; Fatmir Staveleci; Nuri Bexheti; Shaip Azemi; Fikret Halili; Selman Rreci; Kenan Kelmendi; Qenan Aziri; Fadil Kadria; Isuf Ismaili; Ekrem Sheholli; Dritan Restelica; Fehmi Beqiri; Hamdi Jaha; Ymer Aliu; Mehmet Breznica; Jahi Zeqiri; Zenullah Voca; Halil Palloshi; Faris Xhemaili.