Natë e përgjakshme në Kiev: Qyteti në flakë, viktimat rriten çdo çast (Video)

Publikuar: 12:28 / 19.02.2014



Një natë e rënd për ukrainasit. Konfliktet mes protestuesve dhe policisë kanë eskaluar gjatë orëve të vona të natës. Numri i të vrarëve po rritet. Sipas informatave të reja, janë vrarë 25 persona, nga të cilët nëntë policë. 1000 të tjerë janë të lënduar.

Presidenti Viktor Yanukovych për gjakun në rrugë akuzoi opozitën.

“E kaluat kufirin. Ata që bëjnë thirrje për armë dhe duan pushtet me anë të veprimeve të paligjshme, mbajnë përgjegjësi penale”, tha ai.

Përleshjet ende po vazhdojnë në Kiev. Shumë ndërtesa janë në flakë, në mesën e ti cilave Shtëpia e Sindikatës dhe Akademia e Muzikës.

Eksplodimet dëgjohen kudo në rrugë. Sheshi Majdan ngjanë në zonë lufte. Gjithkund ka gjak, shkatërrime dhe tym.

Kreu i opozitës, Vitali Klitschko, ka thënë se pas bisedimeve me presidentin asnjë marrëveshje nuk është arritur për t'i dhënë fund dhunës. Protestuesit nuk tërhiqen. Thotë se “deri në atomin e fundit” do të qëndrojnë në këmbë. /Telegrafi/