Sivjet 1457 kërkesa për punëtorë të huaj në Kosovë

nga **hozefina** Tue Feb 11, 2014 11:33 pm

Prishtinë, 11 shkurt - Aleanca Kosovare e Bizneseve publikoi hulumtimin „Kuota për punësimin e shtetasve të huaj”, pjesa e parë e HNTP-së. Ky hulumtim i realizuar nga AKB-ja është bërë me kërkesë të Këshillit Ekonomiko Social dhe në mbështetjen e Ministrisë se Punës e Mirëqenies Social, për vitin 2014. Hulumtimi realizohet për herë të parë në Kosovë dhe do t’u shërbejë institucioneve shtetërore të Kosovës për të caktuar kuotën e punësimit për të huajt.Agim Shahini, kryetar i AKB-së, tha se në vitin 2009 Kuvendi i Kosovës, me qëllim të vendosjes dhe aplikimit të dispozitave ligjore për dhënien e lejeve për punë dhe punësimin e shtetasve të huaj në Kosovë, ka miratuar Ligjin për dhënien e lejes për punë dhe punësimin e shtetasve të huaj në Kosovë. Ai tregoi se për këtë më 2010, MPMS-ja ka nxjerrë edhe udhëzimin administrativ, me të cilin rregullohej marrëdhënia e punës për shtetasit e huaj.

“Në Kosovë edhe para se ligji të zbatohej kanë punuar një numër i madh i të huajve dhe më pas hyrjes në fuqi të ligjit të gjithë janë obliguar të pajisen me leje pune. Këto vende të punës janë legalizuar dhe janë evidentuar shumë të punësuar të huaj”, tha Agim Shahini.

Sipas kryetarit të AKB-së, legjislacioni ka rregulluar e obliguar MPMS-në që të përgatisë kuotën vjetore të punësimit të shtetasve të huaj në Kosovë. Këshilli Ekonomik Social dhe MPMS-ja kanë vendosur që kuota e punësimit të bëhet nga AKB-ja, e cila bëri edhe hulumtimin dhe atë për herën e parë.

Hulumtimi ishte i fokusuar në tërë vendin në më shumë se 2100 kompani dhe përgjigje është marrë nga 70.5 për qind e tyre. Në bazë të kësaj del se fuqia punëtore e huaj e kërkuar nga kompanitë e Kosovës për sivjet është 1457 leje të punës në sektorë të ndryshëm.

Në bazë të hulumtimit dy sektorët me më së shumti kërkesa për punësimin e shtetasve të huaj janë ndërtimtaria me 399 kërkesa dhe transporti e komunikacioni me 348 kërkesa. Pastaj vijnë prodhimtaria me 135 kërkesa dhe arsimi me 123 sosh, ndërsa sektorët e tjerë kanë numër më të vogël të kërkesave.

Sipas hulumtimit numri më i madh i kërkesave janë për profesionin e operatorëve apo montuesve të pajisjeve e makinave - 279 kërkesa, pasuar nga inxhinierët e ndërtimtarisë, elektroteknikës, mekanikës me 107, e mësimdhënësit e të tjerë.

Berat Luzha, zëvendës ministër i Punës dhe Mirëqenies Sociale tha se dihet se Kosova vazhdon të sfidohet nga shkalla e lartë e papunësisë me rreth 31 për qind.

Sipas tij Qeveria e Kosovës, në përputhje me politikën e migracionit, gjendjes dhe lëvizjes në tregun e punës në fund të çdo viti duhet të caktojë numrin e lejeve të punës për vitin e ardhshëm, për shtetasit e huaj, në përputhje me nevojat dhe mundësitë e punësimit të të huajve në vendin tonë.

Haxhi Arifi, kryetar i Bashkimit të Sindikatave të Pavarura të Kosovës, tha se “Në Kosovë papunësia është shumë më e madhe sesa thuhet nga shifrat zyrtare. Ajo është mbi 50 për qind, por shumë të papunë nuk lajmërohen fare”.
Koha.net

Thursday	+14°	+7°
Friday	+12°	+6°
Saturday	+13°	+4°
Sunday	+11°	+1°
Monday	+11°	+1°
Tuesday	+12°	+5°

Sivjet 1457 kërkesa për punëtorë të huaj në Kosovë

Sivjet 1457 kërkesa për punëtorë të huaj në Kosovë

MENU

SHTYPI I DITES

REVISTA

FAQET PARTNER