Njerëzit që rrinë vonë pa gjumë, të prirë për mbipeshë..

Personat që qëndrojnë natën vonë pa gjumë dhe zgjohen më vonë gjatë ditës, janë më të prirë të fitojnë kilogramë të tepërt, paralajmërojnë ekspertët amerikanë.

Sipas të dhënave të shkencëtarëve në Universitetin Northwestern, shprehia e tillë e gjumit është e lidhur me konsumimin e 248 kalorive shtesë brenda 24 orëve, ndërsa kjo ndodh sidomos gjatë natës.

Krahas kësaj, personat që shkojnë vonë në krevat, konsumojnë dy herë më shumë ushqim të shpejtë dhe më pak pemë dhe perime, në krahasim me ata që flenë më herët.

Po ashtu, njerëzit e natës më shpesh pinë pije të gazuara, të cilat janë pasura me kalori.