Vetëm 15 minuta aktivitete fizike për çdo ditë, rrisin jetëgjatësinë 3 vjet...

Ushtrimet fizike zgjasin jetën. Një hulumtim i ri i cili është bërë në Taiwan tregon se mjaftojnë vetëm 15 minuta ushtrime gjatë ditës për “rritjen e jetëgjatësisë” në 3 vjet.

Për të arritur në këtë përfundim, ishin përfshirë 400 000 njerëz nga periudha prej vitit 1996 deri më 2008. Sipas aktivitetit, pjesëmarrësit ishin ndarë në 5 grupe: joaktivë, pak aktivë, mesatarisht aktiv, shumë aktiv dhe ekstremisht aktiv.

Hulumtuesit kishin kalkuluar rrezikun nga vdekja për çdo grupë, në krahasim me grupin joaktiv.
Edhe tek pjesëmarrësit me aktivitet më të vogël të cilët kishin bërë ushtrime fizike rreth 15 minuta çdo ditë, 6 ditë në javë, ishte vërejtur rrezik i zvogëluar i vdekjes, pa dallim të moshës së tyre, gjinisë ose rrezik nga paraqitja e sëmundjeve të zemrës.

Rezultatet kishin treguar se ushtrimet e rregullta në intervale të shkurta, zvogëlojnë rrezikun nga vdekja e hershme me 14% dhe rrezikun nga kanceri me 10%. Çdo 15 minuta ushtrime shtesë çdo ditë e zvogëlojnë rrezikun nga vdekja e hershme per 4% dhe nga kanceri për 1%.

Aktiviteti fizik ndikon pozitivisht jo vetëm në dukjen e jashtme, por edhe në gjithë shëndetin.