Në puthje-20.000 minuta të jetës........

Qiftet në Francë puthen së paku dhjetë herë në ditë, ndërsa gjermanët e ftohtë as tri herë. Lexoni edhe disa gjëra interesante për këto momente të këndshme të jetës.
Puthja, e cila mund të kenë kuptim romantik, apo vetëm si mënyrë e përshëndetjes së zakonshme, është zakon i të gjitha kulturave, kurse shkenca , e cila studion puthjet dhe përqafimet quhet filematologjia.
Dihet se gjatë puthjes sajojmë mjaft hormone dhe neurotransmetorë, të cilat na e përmirësojnë disponimin dhe an bëjnë të gëzueshëm. Bakteriet që këmbejmë derisa puthemi nxisin sistemin imunologjik që të prodhoj antitrupa. Gjatë një puthje “djegim” dy kalori. Në puthjen e zjarrtë aktivizohen 36 muskuj të fytyrës, kurse edhe anë pozitive është edhe ajo se tensioni i gjakut prë pak kohë ngrihet, pulsi mund të dyfishohet, kurse temperatura e trupit rritet për 0,5 shkallë të Celsiusit. Të gjitha këto i arrijmë gjatë puthjes së popullarizuar “franceze”, i cili cilësohet si mjaft intim. Puthja na relakson, na liron nga stresi dhe ngritë vetëbesimin. Ndërsa, njeriu mesatar shpenzon 20 mijë minuta të jetës në puthje.
Në Oman meshkujt puthen në hundë: Në secilin shtet dhe kulturë ndryshon mënyra e puthjes. Sa i përket puthjes në fytyrë , si shenjë përshëndetje, në Rusi dhe në Egjipt këmbehen tri sosh, amerikanët japin vetëm një, kurse në skandinavi puthja në publik është e rrallë. Në Galapagos gratë puthen vetëm në anën e djathtë, kurse në Oman, nuk është e pazakonshme që pas përshëndetjes meshkujt të puthen në hundë. Puthja eskimeze është emërtimi për përshëndetjen jo erotike, njësoj sikurse shtrëngimi i duarve ku personat preken me hundë duke dëshiruar t’ia shijojnë erën e tjetrit, njësoj sikurse kafshët.
Më shpesh puthen francezët dhe spanjollët: Në shtetin federal amerikan Wisconsin janë të ndaluara puthjes e zjarrta, kurse në Michigan meshkujve iu ndalohet që gruan, apo dashnoren ta puthin të dielave, ndërsa në Rusi, njësoj si në Skandinavi, është e ndaluar puthja në vendet publike.
Një e treta e gjermanëve partnerin e vet nuk e puthë as tri hetë në ditë, kurse ata spanjoll dhe francez këtë e bëjnë së paku dhjetë herë.