10 fjali të cilat ai NUK DËSHIRON ti dëgjojë nga ju

Ndonjëherë shakat, vërejtjet dhe kërkesat që ju në mënyrë spontane ia tregoni partnerit dhe të cilat mendoni se janë të pafajshme dhe nuk shkaktojnë dëm, mund të jenë të pakëndshme dhe irituese.
Ja disa fjali nga të cilat meshkuve i ngrihen flokët lart:

“Jam shtatzëne… hihihi, gënjeva”
Me të vërtetë është interesante ta shihni fytyrën e tij të shokuar dhe momentin kur nofulla e poshtme do t’i bije në tokë, por kjo shaka e “keqe” është mjaft e pakëndshme. Mund të ju ndodhë edhe përralla me ujkun dhe bariun, që në fakt një ditë me të vërtetë të mbeteni shtatzëne dhe kur t’i thuani për këtë, ai të buzë dhe ti rrotullojë sytë. Sigurisht se ai nuk është reaksioni që ju e dëshironi. Përveç asaj, nëse nuk është i përgatitur për tu bërë baba, herën tjetër kur do të jeni intim, mos prisni të jetë krejtësisht i relaksuar. Shock-u i shkurtë “Jam shtatzëne” mund të mbetet si një zile në veshët e tij dhe ai të bëhet i kujdesshëm saqë ju shkon në nerva.
Mjafton një e thënë “Jam shtatzëne” që ai të jetë në shock..

“Unë të thash, por t’i nuk deshe të më dëgjosh..” (pauzë prej 5 minutave) “Unë të thash…”
Po, po, ju përsëri keni të drejtë, kurse ai ka gabuar. Do ta nervozoni mjaft me të parën “Unë të thash..” e kur të vazhdoni me “Shumë mirë unë të thash, por t’i nuk doje të më dëgjoje” atëherë i keni hypur mbi kokë. Është normale, ne femrat kemi intuitë më të mirë dhe më mirë mund t’i parashikojmë punët para se të ndodhin (ndonjëherë edhe me fat), por në momentet e tilla ai është mjaft nervoz që ka gabuar dhe nuk i duhet përsëritës konstant për atë.
“Të thash se ai shoqërohet vetëm për përfitim”, “Të thash se duheshte që t’i blesh këpucët e tjera, tani nuk do të ishin të grisura”, “Të thash unë se duheshte të shkojmë në restoranin tjetër”, “A të thash unë se ajo “dridhet” pas teje”.. I keni të njohura këto?

“Asgjë nuk kam” (deri sa i mbani duart të kryqëzuara dhe i rrokullisni sytë)
Shprehja në fytyrën tuaj tregon se diçka nuk është në rregull, kurse heshtja edhe më shumë e vërteton atë. Pikërisht, partneri juaj do të dëshirojë të ik nga lëkura e tij kur do t’i thuani: “Asgjë nuk kam”. Ai e din se juve ju mundon diçka, andaj filloni menjëherë për të zgjedhur problemin në vend që të prisni të kalojë heshja njëorëshe..

“Zemër, shko në shitore dhe më blej tampona.. prej atyre të vegjël që janë..”
Shumica e meshkujve nuk do të shkonin në shitore në këtë rast, disa për shkak të turpit, e disa për shkak asaj që që nuk duan të duken si “të marrë”. Kurse, disa që marrin guximin të shkojnë, do të ndjehen keq kur duhet të presin që të kalojnë 5 minuta duke lexuar në paketimet për t’ gjetur tamponët e vegjël ose kur do të jetë e nevojshme të kërkohet ndihmë nga të punësuarit në supermarket.. Andaj, kursejeni nga turpi dhe mos dërgoni kërkesa të tilla delikate tek ai.
“Sillu si burrë” ose “Bëhu burrë”
Asgjë nuk i nervozon burrat aq shumë sikur sitatat në të cilat mashkulliteti i tyre do të vije në pyetje. Ajo është njejtë sikur t’i thuani luanit se është një mace e vogël.

“Duhet të bisedojmë seriozisht”
Kur ai do ta dëgjojë këtë, në kokën e tij menjëherë fillojnë të sillen pyetje si: “Çfarë bëra tani?”, “Dëshiron të ndahemi?”.. Askush nuk pret diçka të mirë pasi ta thuani anë fjali. Andaj, çfarë që të doni t’i thuani, tejkalojeni dhe kaloni në kryesoren, pa paralajmërime të tilla.

“Dhe i mëparshmi..”
Pa dallim se a do ta mbaroni fjalinë me diçka pozitive (“Dhe i mëparshmi çdo herë më blente trëndafila të bardhë”, “Dhe i mëparshmi çdo herë ma hapte derën, kurse askush tjetër nuk ka shprehi ta bëj atë) ose diçka negative (“Dhe i mëparshmi ishte shumë xheloz”), partnerit tuaj do t’i ngrihen flokët kur të dëgjojë se i ngjan partnerit tuaj të mëparshëm. Në raste të caktuara ai mund të mendojë se ende nuk e keni harruar të mëparshmin. Paramendoni, si do të ishit ndjerë ju kur ai do të ju kishte dalluar me femrën e tij të mëparshme?

“Nëna jote e teproi, mos ta vendose hundën aty ku nuk duhet”
Nëna e tij është gruaja e parë e rëndësishme në jetën e tij, andaj aspak nuk do të ndjehet mirë që ta dëgjojë se keni ndjenja negative ndaj saj. Kurse, nëse nëna e tij me të vërtetë e tepron, dhe ai është në dijeni për atë, vetëm vendos që ta injorojë për të mos e nxehur zjarrin.

“Me të vërtetë mendon të vish ashtu i veshur?”
Shumica e meshkujve mendojnë se në çfarë do rasti mund të kalojnë me xhinse dhe këmisha e parë që do t’i vijë në duar. Ata nuk mendojnë tre ditë më herët se çfarë duhet të veshin kur do të dalin dhe nuk bëjnë ndonjë kombinim të mëparshëm për çfarë do rasti. Në vend që t’i ja rrisni nervat me “Ashtu i veshur do të dalësh?, thuani direkt se çfarë të veshë. Do të jetë e padhembshme edhe për ju edhe për atë.

Sipas teje, Aurela është e bukur?
Me këtë pyetje ju do t’i shkaktoni kokëdhembje sepse kjo është njëra nga ato pyetjet që nuk kanë përgjigje të saktë. Nëse përgjigjet negativisht, sigurisht se do ta fajësoni se gënjen (pasi që keni vendosur ta pyesni, do me thënë nuk bëhet fjalë për cilëndo) dhe do të filloni për ta bindur se nuk ju pengon nëse thotë se është e bukur. E nëse ju bind se me të vërtetë nuk e konsideron të bukur, mund të filloni ta kritikoni shijen e tij për femra. Nëse ju përgjigjet me po, ai e din se ekziston mundësi që t’ju ngacmojë dhe të mbeteni xheloze ose të filloni ta pyesni “Çfarë të pëlqen te ajo?”, “Cila është më e bukur, ajo ose unë?”.. Meshkujt e dinë se pyetjet e tilla i vendosin në lavirint nga i cili nuk ka dalje të sigurtë, andaj edhe i urrejnë.