Prekja e dorës, mënyra më e shpejtë për përfitimin e mashkullit!

Nëse femra prekë ngadalë dorën e mashkullit, në pjesën mbi bërryl, rreth një e treta prej tyre do të dëshirojë që të bisedojë me të, meqë prekja aktivizon dhe rritë ndjenjën e 'përshtatshmërisë' midis njerëzve.

Rrahja e qepallave, luajtja me flokë apo qeshja me shakatë e partnerit potencial, nuk kanë as për së afërmi efekt të njëjtë sikur prekja e dorës.

Kjo është mënyra më e shpejtë dhe më efikase për bërjen e mashkullit për vete, thonë psikologët.

Në këtë studim, femra të cilën meshkujt e kishin vlerësuar si mesatarisht tërheqëse, kishte për detyrë që t’u ofrohej 64 meshkujve ‘single’, të zgjedhur rastësisht, në një kafene.

Ajo kërkonte ndihmë për vënien e mbajtëses së çelësave, e në mes të bisedës, prekte dorën e mashkullit.

Nga të gjithë meshkujt që i kishte prekur në dorë, një e treta e tyre kishin filluar bisedën me të, derisa nga ata që nuk i kishte prekur, vetëm 15% prej tyre kishin shprehur dëshirën për të biseduar.

- Janë të shumta studimet që tregojnë se prekja ka një rol të madh në krijimin e përshtypjes së parë, si dhe që kontakti joverbal rritë ndjenjën e përshtatshmërisë midis njerëzve – shpjegon dr. Nicolas Guéguen, udhëheqës i studimit.

Por, që prekja nuk ndikon vetëm te meshkujt, kanë treguar studimt e mëparshme, kur meshkujt kishin ftuar femrat për vallëzim.

Ata që, me këtë rast, kishin prekur lehtazi femrën në pjesën e epërme të dorës, ishin shumë më të suksesshëm.