Djemtë e këqij ende janë më të preferuarit, por...

Sjellja rebele joshë si meshkujt, po ashtu edhe femrat, kurse një studim i ri ka treguar se djemtë e këqij janë më me fat në dashuri

Djemtë e ashtuquajtur të këqij, që pinë duhan, e herë-herë edhe alkool, për femrat janë më joshës sesa ata që nuk kanë këto vese, ka treguar një studim i portalit kanadez me emrin ‘FastLife’, i cili është bërë në rreth 40.000 njerëz.

Sjellja rebele njësoj joshë si meshkujt, po ashtu edhe femrat, kurse studimet kanë treguar se djemtë e këqij janë më me fat edhe në çështjet e dashurisë, ku shpesh ia arrijnë që ta bëjnë për vete çdo vajzë që iu pëlqen.

Pushtuesit më të mirë të femrave, gati me një sukses 50%, janë njerëzit që kanë pranuar se pinë duhan, e ndonjëherë edhe alkool, derisa djemtë e mirë, të cilët kurrë nuk pinë alkool dhe duhan, është parë se arrijnë një sukses prej 37,4%.

As njerëzit fetarë nuk kalojnë mirë me pushtimin e femrave, prandaj një anketë e bërë në SHBA, ka treguar se, për femrat, më atraktivët janë meshkujt e papërcaktuar për fe (46,2%).

Studimi ka treguar edhe se njerëzit që kanë qëndrim liberal ndaj seksit, më lehtë bëjnë për vete partnerët e tyre, krahasuar me njerëzit konservatorë.

Pirësit e kohëpaskohshëm të duhanit, janë pak më atraktivë sesa mos përdoruesit e duhanit, derisa duhanxhinjtë e flaktë janë më pak të preferuar për femrat, sesa meshkujt që nuk pinë duhan.

Nëse edhe ju jeni djalë i mirë dhe ndiheni pak keq që djemtë e këqij pushtojnë më lehtë femrat, atëherë ju ngushëllojmë duke ju thënë se edhe nëse djemtë e mirë më vështirë bëjnë për vete femrat, lidhjet e tyre janë shumë më të qëndrueshme sesa lidhjet e djemve të këqij.

Pra, ia vlen që të jemi të mirë.