A është shopingu zëvendësim për dashuri?

Herën tjetër kur të ndjeni nevojën që të blini ndonjë gjë, mos u ngutni, ndoshta keni nevojë vetëm për një përqafim.

Me gjasë janë të pakta ato femra të cilat mund të thonë se nuk kënaqen duke blerë, por sa shpesh dalin në shoping dhe si vlerësojnë atë që blejnë, varet nga ajo se sa kanë (apo nuk kanë) dashuri.

Në fakt, shkencëtarët thonë se shopingu pëlqehet më shumë nga ato që kanë më pak përkrahje dhe dashuri.

Me anë të dy studimeve, kërkuesit shkencorë u kanë dhënë pjesëtarëve në studim një objekt dhe kanë kërkuar nga ta që ta vlerësojnë atë objekt.

Të gjithëve iu ishte dhënë objekti i njëjtë.

Me këtë rast është konstatuar se objektin më shumë e vlerësonin ato femra që, për momentin, ishin duke kaluar nëpër ndonjë krizë emocionale, pa marrë parasysh gjendjen e tyre ekonomike.

Për këtë shkak, herën tjetër kur të ndjeni nevojën që të blini ndonjë gjë, mos u ngutni, ndoshta keni nevojë vetëm për një përqafim.

Ia vlen që të provohet, sidomos nëse, për shkak të blerjeve të shumta, rrezikoheni edhe nga ana materiale.

Ky studim është botuar në revistën “Journal of Experimental Social Psychology”.