Te kesh besim ne vetvete!

1.Për të qenë të sigurt në vete, është e nevojshme të njihni mirë veten, pasi vetëm kështu mund të dallojmë cilësitë dhe mangësitë tona. Për t’u përmirësuar kemi nevojë edhe për vetëvlerësim që siç thotë vetë fjala, është vlerësimi në vete, një vlerësim i personit tuaj! Rëndësi është të përshkosh të gjithë momentet ku kemi arritur diçka të suksesshme dhe t’i kemi parasysh. Gjeni në rrugëtimin tuaj pikat e forta dhe vlerësojini si duhet.
2.Defektet, fizike ose karakteriale, sfidat që të vendos jeta janë elementë që, në psikologjinë e njeriut kanë një vlerë të dyfishtë. Kritikat dhe vështirësitë kanë tendencë të mposhtin njerëzit e pasigurt, ndërsa shërbejnë si stimul për ata që kanë një vetëvlerësim të madh. Diferenca qëndron në interpretim: kush është i sigurtë në vetvete dhe di ta vlerësojë, e ka stimul për të bërë gjithmonë e më mirë. Mënyra korrekte për të pritur një kritikë është të pyesni veten në mënyrë objektive, nëse është e bazuar. Nëse është e vërtetë, atëherë aplikojeni në jetën tuaj si një korrektim, për të arritur një rezultat më të mirë në jetë.
3.Pasiguria dhe vetëvlerësimi jo i duhur zvogëlojnë aftësinë për të komunikuar me të tjerët. Shpesh, i pasigurti i sheh të tjerët si një kërcënim, duke i konsideruar si perfekt. Mirëpo ato nuk janë perfekte, siç nuk jemi të gjithë neve. Çdokush ka defekte fizike dhe karakteriale. Një ushtrim i mirë për rritjen e vetëvlerësimit tuaj është të vëreni, pa i përçmuar, defektet e të tjerëve.