Pse njeriu nuk eshte ashtu siç paraqitet?

Përshëndetje

Nuk e di nëse ka ndonjë që ka mendim të keq për veten. Një psikolog në një libër tëtij që titullohet “si të bësh miq”, tregon se edhe kriminelet me të mëdhenj në Amerikës kur janë marrë në pyetje nga psikologë të ndryshëm thoshin se se nuk ishin fajtorë për krimet e kryera, dhe se ata ishin përpjekur gjithmonë të bëjnë mirë. Pra nuk mendoj se mendimi më realist është ai që njeriu ka për vetveten. Pastaj edhe unë vetë, me sa e njoh veten, unë për të ndershëm e njoh. Pse ti nuk e njeh kështu?!
Pastaj unë besoj se njeriu e ka të pamundur t’a vlerësojë si duhet vetveten, pasi nuk gjen dot dikë me të cilin ta krahasojë atë. Kjo sepse askënd njeriu nuk e njeh në atë mënyrë sic njeh vetveten. Dicka të përafërt me atë që the ti Zog thotë Sarteri tek “Neveria”. Në një moment personazhi kryesor, I cili ishte një njeri tërësisht I vetmuar, po shihte veten në pasqyrë dhe nuk gjente pikë kuptimi në fytyrën e vet. Sipas tij cdo fytyrë kishte një kuptim, ndërsa e vetja jo, dhe kjo sepse të gjithë e shohin veten nga mënyra se si u duken të tjerëve,ndërsa ai vetë ishtë I vetmuar, ishte I shkëputur nga të gjithë njerëzitdhe nuk kishte askënd që t’I shërbente si pasqyrë.
Nejse, ideja prej nga niset Sarteri për të dalë në këtë pikë është mjaft e gjate, por eshtë e qartë se, vec të tjerash, faktori social është mjaft I rëndësishëm për formimin e personalitetit të njeriut. Madje mund të thuash se personaliteti krijohet në shoqëri. Edhe “Robinson Kruzo” I vetëm në ishull, krijoi një shok imagjinar për të mundur të shohë vetveten të reflektuar në të. Në të vërtetë është mjaft e vështirë të përcaktosh se kush je ti në vetvete dhe nëse në jemi ata që mendojmë ne se jemi apo nëse jemi ata për të cilët na njëhin të tjerët. Sigurisht që secili ka pjesën e vet të gabueshmërisë, por është tejet e vështirë, dhe nuk ka kush t’a ndaj ku gabon njëri dhe ku ka të drejtë tjetri. Në fakt pyetja “kush jam unë” është nga pyetjet më tronditëse për njeriun, përgjigjen e të cilës mund t’a gjesh ndoshta vetëm në varr. Akoma renditen si perla të urtësisë fjalër e prera të Sokratit të lashtësisë: Njeri, njih vetveten.